الەمگە ايگىلى يتاليالىق تەنور اندرەا بوچەللي الماتىعا جاساعان ساپارىنان العان اسەرىن ءبولىستى، دەپ حابارلايدى Aqshamnews.kz ءتىلشىسى.
28 قازاندا Almaty Arena-دا وتكەن كونسەرتىنە وراي قالاعا كەلگەن ونەر جۇلدىزى Instagram پاراقشاسىنا فوتوسۋرەتتەر جاريالادى. وندا ءانشى ءداستۇرلى قازاق شاپانىن، اڭ تەرىسى سالىنعان جاعالى كامزولدى كيىپ تۇرعانىن كورۋگە بولادى.
بوچەلليدىڭ العاشقى جەكە كونسەرتى
اندرەا بوچەللي - الەمدەگى ەڭ تانىمال وپەرا تەنورلارىنىڭ ءبىرى، 66 جاستاعى يتاليالىق ءانشى ءارى كومپوزيتور. ول 15-تەن استام ستۋديالىق البوم جازىپ، كلاسسيكا مەن پوپ-مۋزىكانى ۇيلەستىرگەن ەرەكشە ۆوكالىمەن تانىلعان.
الماتىداعى كونسەرت - ونىڭ قازاقستانداعى العاشقى جەكە ونەر كورسەتۋى بولدى. زال تولى كورەرمەن ءارتيستى ەرەكشە ىقىلاسپەن قارسى الىپ، الەۋمەتتىك جەلىلەردە تاريحي ساتكە كۋا بولعاندارىن جازىپ، اسەرلەرىن ءبولىستى.