جاڭا ۆەلوسيپەد جولاعى ماناس كوشەسىنىڭ باتىس جاعىنان ساتبايەۆ كوشەسىنەن اباي داڭعىلىنا دەيىن جاسالعان. سونداي-اق، ماناس كوشەسى بويىمەن شيەۆچەنكو كوشەسىنەن اباي داڭعىلىنا دەيىن ەنى 3 مەتر جانە ۇزىندىعى 400 مەترگە جۋىق ۆەلوسيپەد جولى سالىندى، كوشە بويىندا تۇراق ورىندارى ۇيىمداستىرىلدى، دەپ حابارلايدى almaty-akshamy.kz
وسىلايشا، شيەۆچەنكو مەن ساتبايەۆ كوشەلەرىندە ورنالاسقان ۆەلوسيپەد جولاقتارى ءوزارا بايلانىستى.
جاڭا ۆەلوسيپەد جولاقتارىن جايلاستىرۋ ۆەلوسيپەدشىلەردىڭ وقشاۋلانعان ۆەلوسيپەد جولاقتارىمەن ءقاۋىپسىز ءوتۋىن قامتاماسىز ەتۋگە جانە جول قوزعالىسىندا كەلەڭسىز جاعدايلاردى بولدىرماۋعا مۇمكىندىك بەرەدى.
سونداي-اق، 2023 جىلدىڭ سوڭىنا دەيىن اتالعان جول ۋچاسكەسىندە قوسىمشا جول بەلگىلەرى ورناتىلادى.
جالپى، اعىمداعى جىلى قالا بويىنشا 3 كم ۆەلو ينفراقۇرىلىم جابدىقتالعان. بۇل باعىتتاعى جۇمىستار الماتىنىڭ دامۋ جوسپارى اياسىندا الماتى اكىمى ەربولات دوسايەۆتىڭ تاپسىرماسى بويىنشا جالعاساتىن بولادى.