ءىس سوتتالۋشىنىڭ قاتىسۋىنسىز سىرتتاي قارالدى. سوتتالۋشىعا حالىقارالىق ىزدەۋ جاريالانعانىن باسا ايتا كەتەلىك.
تەرگەۋ مالىمەتتەرى بويىنشا، 2016 جىلعى 22 جەلتوقساندا "LRT" ءجشس-نىڭ بۇرىنعى باسقارما ءتوراعاسى تالعات اردان قىزمەتتىڭ مۇددەلەرىنە قايشى لاۋازىمدىق وكىلەتتىكتەرىن تەرىس پايدالانا وتىرىپ، ناقتى قاجەتتىلىكسىز LRT قۇرىلىس جوباسى بويىنشا قىتايدىڭ مەملەكەتتىك دامۋ بانكىنەن (بۇدان ءارى – قمدب) سىرتقى قارىزدىڭ ءبىرىنشى ترانشى رەتىندە 257،6 ملن اقش دوللارىن زاڭسىز سۇراتقان. قاراجات تۇسكەن ساتتەن باستاپ ولار جوبا بويىنشا پايدالانىلماعان.
2018 جىلعى 26 قاراشادا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن بانكتىڭ قىزمەتى ءماجبۇرلى تۇردە توقتاتىلدى. وسىلايشا، اتالعان جوبانى ىسكە اسىرۋ بۇزىلدى، قمدب-نەن الىنعان قارىز قاراجاتى جشس-گە قايتارىلمادى جانە اقشالاي قاراجات نىسانالى ماقساتى بويىنشا پايدالانىلماي، "City transportation systems" جشس-عا 85 ملرد تەڭگەدەن استام شىعىن كەلتىرىلگەندىكتەن، ونىڭ ارەكەتتەرى اۋىر سالدارعا اكەلىپ سوقتى.
سوت ۇكىمىمەن اردان بۇرىن تاعايىندالعان جازانى ءىشىنارا قوسۋ ارقىلى تۇپكىلىكتى مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 9 جىلعا باس بوستاندىعىنان ايىرۋ جازاسى تاعايىندالدى.
سونىمەن قاتار، ارداننان "City transportation systems" ءجشس-نىڭ پايداسىنا 85 ملرد تەڭگەدەن استام ماتەريالدىق شىعىن ءوندىرىلدى.
ءىس بويىنشا ج ش س العان مەملەكەتتىك قارىز، شارت بويىنشا باقىلاۋ جۇزەگە اسىرىلماعاندىقتان، ق ر قارجى مينيسترلىگى تاراپىنان لاۋازىمدى تۇلعالاردىڭ نەمقۇرايلىلىعى فاكتىسى بويىنشا پروكۋروردىڭ اتىنا جەكەشە قاۋلى شىعارىلدى.
ۇكىم زاڭدى كۇشىنە ەنگەن جوق.