قازاقستاندىق، الەمنىڭ 238-راكەتكاسى بەيبىت جۇقايەۆ شامپەين (اقش) چەللەندجەر ءتۋرنيرىنىڭ ەكىنشى اينالىمىنا شىقتى، دەپ حابارلايدى aqshamnews.kz
جارىستىڭ 8-راكەتكاسى بولىپ تىركەلگەن قازاقستاندىق تەننيسشى العاشقى كەزدەسۋىن رەيتينگىدە 514-ورىندا تۇرعان ۇلىبريتانيالىق، 18 جاستاعى گەنري سيرلمەن وتكىزدى.
ءبىرىنشى پارتيا 6:3 ەسەبىمەن بەيبىتتىڭ پايداسىنا اياقتالدى.
تارتىستى وربىگەن ەكىنشى سەتتە تاي-برەيكتە جۇقايەۆ باسىم بولدى – 7:6 (7:4). ءبىر ساعات 22 مينۋتقا سوزىلعان باسەكە بارىسىندا ول 5 ەيسپەن بىرگە 4 برەيك-پوينتتىڭ تەك بىرەۋىن پايدالاندى.
سيرل 6 ەيسپەن عانا شەكتەلدى.
بەيبىت جۇقايەۆتىڭ 1/8 فينالداعى قارسىلاسى كەيىن انىقتالادى.
سونداي-اق قازاقستاندىقتار ميحايل كۋكۋشكين مەن دەنيس ەۆسەيەۆ ليونداعى (فرانسيا) ءدال وسىنداي دودادا ب ا ق سىنايدى. م.كۋكۋشكين العاشقى اينالىمدا ۋكراينالىق ۆيتاليي ساچكومەن، د.ەۆسەيەۆ كورت يەسى كالۆين ەمەريمەن شەبەرلىك بايقاسادى.