استانادا LRT-دە جول ءجۇرۋ قۇنى 100-دەن 200 تەڭگەگە دەيىن بولۋى مۇمكىن.
بۇل تۋرالى استانا اكىمى جەڭىس قاسىمبەك قالا تۇرعىندارىمەن كەزدەسۋ بارىسىندا ايتتى، دەپ حابارلايدى aqshamnews.kz El.kz اقپارات اگەنتتىگىنە سىلتەمە جاساپ.
LRT بيلەتىنىڭ باعاسىنا كەلسەك، جوبالىق تاريف بەلگىلەنگەن. قازىرشە 100-دەن 200 تەڭگە ارالىعىندا دەپ بولجانىپ وتىر. ازىرگە وسى مەجەدە قالا بەرەدى، – دەدى اكىم.
سونىمەن قاتار جەڭىس قاسىمبەك ەلورداداعى اقىلى تۇراقتاردى جاڭا ينۆەستورعا بەرۋ تۋرالى اقپاراتتى جوققا شىعاردى. ونىڭ ايتۋىنشا، بۇل ماسەلە كۇن تارتىبىندە جوق.
مەن وسىدان 2-3 اي بۇرىن الدىن الا ايتقان بولاتىنمىن. «استانا تۇراق كەڭىستىگى» مەكەمەسىن كوممۋنالدىق مەنشىككە وتكىزۋ جوسپارلانعان. بۇل ماسەلە بويىنشا قازىرگى ۋاقىتتا كولىك باسقارماسى ينۆەستورمەن كەلىسىمشارتتى توقتاتۋ باعىتىندا جۇمىس جۇرگىزىپ جاتىر. مەكەمە تولىقتاي كوممۋنالدىق مەنشىككە وتەدى، – دەدى قالا باسشىسى.