الماتى قالاسىنىڭ ەكولوگيا جانە قورشاعان ورتا باسقارماسى جىل سايىنعى «جاسىل اۋلا» اكسياسى اياسىندا كوگالداندىرۋ جانە جاسىل قوردى ساقتاۋ باعدارلاماسىن جالعاستىرىپ كەلەدى، دەپ حابارلايدى aqshamnews.kz
2025 جىلدىڭ كوكتەمگى كەزەڭىندە 228 ءوتىنىم ماقۇلدانىپ، شامامەن 2 مىڭ جاپىراقتى اعاش كوشەتى تەگىن تاراتىلادى. قالا تۇرعىندارى كوپقاباتتى ۇيلەردىڭ اۋلاسىن جانە قوعامدىق كەڭىستىكتەردى كوگالداندىرۋ ءۇشىن كوشەتتەردى تەگىن الا الادى.
كوشەتتەر 2025 جىلى 19-20 ساۋىردە مىنا مەكەنجاي بويىنشا ءار اۋداننىڭ كوميۋنيتي ورتالىقتارىندا تاراتىلادى:
1. ءاۋەزوۆ اۋدانى – مامىر-1 ش/ا.، 26/1.
2. الاتاۋ اۋدانى – سايالى ش/ا.، 71
3. مەدەۋ اۋدانى – نازاربايەۆ داڭع، 36.
4. جەتءىسۋ اۋدانى – بوتكين ك-سى، 20.
5. تءۇركسءىب اۋدانى – جاس قانات ش/ا.، 49ا
6. المالى اۋدانى – بايتۇرسىنوۆ ك-سى، 22/1.
7. ناۋرىزباي اۋدانى – شۇعىلا ش/ا.، 343/7.
8. بوستاندىق اۋدانى – اباي داڭع، 164/6.
ءار كوميۋنيتي ورتالىقتا 100 داناعا دەيىن كوشەت تاراتىلادى.
كوشەتتەردىڭ نەگىزگى بولىگى مىنا مەكەنجايدا دايىندالادى: الاتاۋ اۋدانى، رىسقۇلوۆ داڭعىلى، 1/1 (ج ش س «Eco Almaty»).
اكسياعا قاتىسۋشىلار كەيىننەن كوشەتتەردى وتىرعىزعانى جونىندە فوتوەسەپ تاپسىرۋعا ءتيىس.
قوسىمشا اقپاراتتى الماتى قالاسى ەكولوگيا جانە قورشاعان ورتا باسقارماسىنىڭ جاسىل قوردى باقىلاۋ جانە باسقارۋ بولىمىنەن مىنا تەلەفون ءنومىرى ارقىلى الۋعا بولادى: +7 771 894 34 57
«جاسىل اۋلا» اكسياسى – الماتىنىڭ ءاربىر تۇرعىنىنا قالانى كوگالداندىرۋعا ۇلەسىن قوسۋعا جانە ونى جاسىل ءارى جايلى ەتۋگە مۇمكىندىك بەرەتىن ەرەكشە جوبا.