ەڭ الدىمەن LRT تولە بي كوشەسى ارقىلى وتەدى
باس جوسپار قوعامدىق كولىك دالىزدەرىنىڭ قۋاتىنا قاراي اۋماقتاردى دامىتۋعا باعىتتالعان ترانزيتتىك-باعدارلانعان دامۋ (تبد) قاعيداتىنا نەگىزدەلەدى. ونى ناقتى ىسكە اسىرۋ ءۇشىن ماگيسترالدىق قوعامدىق كولىك برت، LRT، مەترو دالىزدەرىن ۇيىمداستىرۋ قاجەت، دەپ حابارلايدى Almaty-akshamy.kz.
الماتى قالاسىنىڭ جاڭا باس جوسپارىن ازىرلەۋشى، كولىك ساراپشىسى رومان بارابانوۆتىڭ ايتۋىنشا، تبد قوعامدىق كولىكتىڭ قولجەتىمدىلىگىن قامتاماسىز ەتۋگە جانە جەكە اۆتوكولىكپەن ءجۇرۋ قاجەتتىلىگىن ايتارلىقتاي ازايتۋعا مۇمكىندىك بەرەدى.
«مەترو، برت، LRT (جەڭىل رەلستى ترامۆاي)، سونداي-اق بولىنگەن جولاقتار قالانىڭ بەلگىلى ءبىر جەرلەرىندە قالالىق جانە اۋداندىق ماڭىزى بار كولىك-اۋىستىرۋ توراپتارىمەن (كات)، جەرگىلىكتى بايلانىستار دەڭگەيىندە ءوزارا بايلانىستى بولادى، سونداي-اق ولارعا مۇمكىندىگىنشە ۆەلوينفراقۇرىلىم (ۆەلوجولدار، ۆەلوجولاقتار) جەتكىزىلەدى. سونىمەن قاتار، كات ءبىرقاتار اۆتوبۋس مارشرۋتتارىن وڭتايلاندىرۋعا مۇمكىندىك بەرەدى»،- دەدى ول.
ساراپشىنىڭ سوزىنشە، تولىققاندى كولىك-اۋىستىرۋ توراپتارى الماتى - 2 ۆوكزالىندا پايدا بولادى. بۇل رايىمبەك باتىر مەترو ستانسياسىن قولجەتىمدى ەتۋگە، قالا ماڭىنداعى اۆتوبۋستاردىڭ باعىتتارىن قونايەۆ قالاسىنا، سونداي-اق قازاقستاننىڭ باسقا قالالارىنا ەلەكتر پويىزىمەن كەتۋگە مۇمكىندىك بەرمەك. سونداي-اق الماتى -1 ۆوكزالىنىڭ جانىندا مەتروعا اۋىسۋعا جاعداي جاسالادى. ال، ۇزارعان جەلىنىڭ ءوزى برت جانە LRT-مەن تۇيىسەتىن بولادى.
سونىمەن قاتار، ساراپشى جەڭىل رەلستى جۇردەك كولىكتەر جوباسى قالاعا كوپتەن بەرى قاجەت ەكەنىن ايتتى.
«ەڭ الدىمەن LRT تولە بي كوشەسى ارقىلى وتەدى. سودان كەيىن ترامۆاي وربيتا ىقشام اۋدانىنا، تۇڭعىش پرەزيدەنت ساياباعىنا، باتىستا «بارلىق» اۆتوۆوكزالىنا، بورالداي يندۋستريالىق ايماعىنا، الماتى-3 تەمىرجول ۆوكزالىنا (بولاشاقتا سالۋ جوسپارلانعان)، مەگاپوليستىڭ تومەنگى جاعىمەن اۋەجايعا بارادى»،- دەدى ول.