ەۋرازيالىق شىعارماشىلىق گيلدياسى كوممەرسيالىق ەمەس ۇيىمى ۇيىمداستىرعان كينوفەستيۆال بيىل ءتورتىنشى رەت وتكىزىلىپ وتىر.
وعان 11 ەلدىڭ وكىلى قاتىسىپ، بارلىعى جيىرما بەس تۋىندى ۇسىنىلدى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
جۋرناليست-جازۋشى ناتاليا ماحنونىڭ «بيفۋركاسيا نۇكتەسى» شىعارماسى «ەڭ ۇزدىك سەناريي»، ءدىلشات ءراحماتۋلليننىڭ «بەسىك جىرى» انيماسيالىق ءفيلمى «كورەرمەندەر كوزايىمى» اتالىمدارى بويىنشا ماراپاتتالدى.
ءبىراق جەڭىمپازدار لوندونعا كەلە المادى. ۇلىبريتانيا بيلىگى ۆيزا بەرۋ ۋاقىتىن ۇزارتىپ تاستاعان. جۇلدەلەر ولارعا پوشتا ارقىلى جىبەرىلەدى.
"ناتاليا ماحنونى جەڭىسىمەن قۇتتىقتايمىز. بىرنەشە جاقسى سەنارييلەر بولدى، ءبىراق «بيفۋركاسيا نۇكتەسى» شىعارماسى ءوزىنىڭ شىنايىلىعىمەن باسىم ءتۇستى. سەنارييگە جاس قىزدىڭ تاعدىرى جانە ونىڭ ماحاببات سەزىمى ارقاۋ بولعان"، - دەدى قازىلار القاسىنىڭ مۇشەسى پيتەر بلاند.