سايىستا اق حالاتتىلار ەكى توپقا ءبولىندى.
الماتى قالاسىنىڭ اۋەزوۆ اۋدانىندا شاحماتتان قالالىق جارىس ءوتتى، دەپ حابارلايدى Almaty-akshamy.kz Almaty.tv سىلتەمە جاساپ.
«ۇزدىك شاحماتشى – 2022» تۋرنيرىنە مەديسينا قىزمەتكەرلەرى قاتىستى. دارىگەرلەردىڭ ءتول مەرەكەسى قارساڭىندا ۇيىمداستىرىلعان شارانىڭ باستى ماقساتى – سالاۋاتتى ءومىر سالتىن ناسيحاتتاۋ. سايىستا اق حالاتتىلار ەكى توپقا ءبولىنىپ، اينالمالى جۇيە بويىنشا سىنعا ءتۇستى.
«شاحمات تۋرنيرىندە 8 اۋداننىڭ ءتۇرلى دەنساۋلىق ساقتاۋ مەكەمەسىنەن 16 مەديسينا قىزمەتكەرى باس قوستى. قورىتىندى ويىن مەن تاباندى كۇرەستەن كەيىن 3 ورىندى يەلەنىپ الاتىن جەڭىمپازدار الداعى ۋاقىتتا ماراپاتتالاتىن بولادى»، – دەدى قوعامدىق دەنساۋلىق باسقارماسىنىڭ باسپا ءسوز حاتشىسى اقشولپان قالدان قىزى.