فورۋم جۇمىسىنا ق ر ەنەرگەتيكا ۆيسە-مينيسترى جانات جاحمەتوۆا قاتىستى. ول قازاقستان ۇكىمەتى تاراپىنان ەنەرگەتيكا سالاسىن سيفرلاندىرۋعا جانە قازاقستاندىق قامتۋدى دامىتۋعا ەرەكشە نازار اۋدارىلىپ وتىرعاندىعىن اتاپ ءوتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«تشو-نىڭ سيفرلاندىرۋعا دەگەن سىندارلى كوزقاراسىنىڭ تابىستى بولۋى Iت ماماندارى جۇمىسىنىڭ بيزنەس-مىندەتتەردى شەشۋگە باعىتتالۋىندا بولىپ وتىر. ءبىز بۇل فورۋم وتاندىق Iت كومپانيالار مەن جەر قويناۋىن پايدالانۋشىلاردىڭ اراسىنداعى ىنتىماقتاستىقتى جولعا قويۋعا سەپتىگىن تيگىزەدى دەپ ۇمىتتەنەمىز»، - دەدى جانات جاحمەتوۆا.
كومپانيا ماماندارى فورۋم قاتىسۋشىلارىنا تەڭىز كەن ورنىندا ءساتتى ەنگىزىلگەن يننوۆاسيالىق تەحنولوگيالار تۋرالى ايتىپ بەردى. ماسەلەن، تشو-نىڭ بارلىق اۆتوكولىك پاركى كولىك قاۋىپسىزدىگى ينتەللەكتۋالدى جۇيەسىمەن قامتىلعان. ول دىبىستىق سيگنال بەرۋ ارقىلى جۇرگىزۋشىنىڭ شارشاۋ دەڭگەيىن باقىلاۋعا مۇمكىندىك بەرەدى. بۇل ءوز كەزەگىندە جازاتايىم وقيعالاردى ازايتۋعا جانە قىزمەتكەرلەر قاۋىپسىزدىگىن قامتاماسىز ەتۋگە ىقپال ەتەدى.
2020 جىلى كەشەندى تەحنولوگيالار جەلىدە (كتج) ۆيرتۋالدى زاۋىت (Virtual Plant) شەشىمى كومەگىمەن ناقتى ۋاقىت رەجيمىندە بۇكىل زاۋىتتاعى باقىلاۋ-ولشەۋ جابدىقتارىنىنىڭ دەرەكتەرى بىرىكتىرىلدى. ناتيجەسىندە سۇيىتىلعان كومىرسۋتەكتى گاز (سكگ) ءوندىرىسى كولەمى ۇلعايتىلدى. سيفرلىق تەحنولوگيالاردى قولدانۋ ارقىلى تەڭىزدە سكگ ءوندىرىسىن ۇلعايتۋ ورەس+ شەكتەۋلەرىنىڭ ورنىن تولتىرۋعا كومەكتەستى. سونىمەن قاتار قيىندىقتاردى مۇمكىندىكتەرگە اينالدىرۋعا، سيفرلىق شەشىمدەر ارقىلى قۇندىلىقتى قۇرۋ تىزبەگىن وڭتايلاندىرۋعا جانە وزگەرىستەرگە جىلدام ارەكەت ەتۋگە مۇمكىندىك بەردى.
سونداي-اق كاسىپورىن قازاقستاندىق قامتۋدى دامىتۋ جونىندەگى ماماندارى تشو قامتۋشىسى بولۋ ءۇشىن، Iت كومپانيالار قانداي قادامدار جاساۋ كەرەكتىگىنە توقتالدى. فورۋمدا تشو-نىڭ تەحنيكالىق (تەحنيكالىق مەنەدجەر، .NET ازىرلەۋشىلەرى، DevOps ينجەنەرلەرى، QA تەستەرلەرى) جانە تەحنيكالىق ەمەس (وزگەرىستەردى باسقارۋ ماماندارى، بيزنەس-اناليتيكتەر (Business Analyst، Proxy Product Owners)، ءارى Low Code ازىرلەۋشىلەرى(PowerApps، PowerBI) رولدەرىن ورىنداۋعا قابىلەتتى ات مامانداردى قابىلداۋعا مۇددەلى ەكەندىگى ايتىلدى.
«قازاقستاندىق قامتۋدى ارتتىرۋ – تشو-نىڭ باسىم باعىتتارىنىڭ ءبىرى. ءبىز ءۇشىن وتاندىق كومپانيالارمەن بىرگە جۇمىس جاساپ، ولاردىڭ دامۋىنا كۇش-جىگەر جۇمساۋ ماڭىزدى. ءبىزدىڭ ماقساتىمىز – اT ماماندارىنىڭ ۇلەسىن بارىنشا ارتتىرۋ. سەبەپتى فورۋم قارساڭىندا «سيفرلى تەڭىزشيەۆرويل – 2022» اتتى حاكاتون شاراسىن وتكىزدىك. بەرىلگەن ماسەلەنىڭ وڭتايلى شەشىمىن تاپقان كوماندالار تشو-مەن كەلىسىم-شارتقا وتىرۋ مۇمكىندىگىنە يە بولدى»، - دەپ اتاپ ءوتتى تشو-نىڭ سيفرلاندىرۋ بويىنشا چەمپيونى مارات قۋاتوۆ.
ايتا كەتەتىن ءجايت، حاكاتونعا قازاقستاننىڭ تۇكپىر-تۇكپىرىنەن 30-عا جۋىق كوماندا قاتىستى. قازىلار القاسى مۇشەلەرىنىڭ ءبىرى، تشو-نىڭ سيفرلاندىرۋ جونىندەگى كەڭەسشىسى ازيدوللا قيسمەتوۆتىڭ ايتۋىنشا: «شەشىم عانا ەمەس، سونىمەن قاتار كومپانيانىڭ جالپى دايارلىعى مەن قۇزىرەتتىلىگىنىڭ دەڭگەيى باعالاندى».