West Norwood Picturehouse زالىندا ونەر جاناشىرلارى جينالدى
لوندوندا Crystal Palace International Film Festival اياسىندا «ءبىر اسپان تاريحى» بەينەبايانىنىڭ كورسەتىلىمى ءوتتى، دەپ حابارلايدى Almaty-akshamy.kz dimashnews.com سايتىنا سىلتەمە جاساپ.
West Norwood Picturehouse زالىندا ونەر جاناشىرلارى جينالدى، ولاردىڭ اراسىندا ديماشتىڭ جانكۇيەرلەرى دە بولدى. ۇلىبريتانيادان، يرلانديادان جانە باسقا ەلدەردەن Dears ءفيلمدى كورۋگە ارنايى كەلگەن قوناقتار دا بولدى.
كورەرمەندەر العاش رەت 2022 جىلدىڭ 24 قىركۇيەگىندە الماتىدا ءارتىستىڭ جانكۇيەرلەرىمەن فان-كەزدەسۋىندە «ءبىر اسپان تاريحى» تۋىندىسىنىڭ بەينەبايانىن كورگەن بولاتىن. ديماش قۇدايبەرگەن رەجيسسەر الينا ۆەريپيانىڭ 13 مينۋتتىق مۋزىكالىق فيلمىندە كومپوزيتور، سەناريي اۆتورى جانە باستى ءرولدى سومدادى.
«ءفيلمنىڭ نەگىزگى يدەياسى – ول بالالارىمىزدىڭ ءومىرىن، سۇيىسپەنشىلىگىن، دوستىعىن جانە جەرىن ساقتاۋ ءۇشىن بىرىگۋگە، ءبىر-بىرىمىزدى ۇلتتىق، الەۋمەتتىك، ءدىني پرينسيپ بويىنشا ءبولىپ-جارۋدى توقتاتۋعا شاقىرادى»، – دەدى فيلم رەجيسسەرى الينا ۆەريپيا.
Crystal Palace International Film Festival بۇكىل الەم بويىنشا 10 000-نان استام كينوفەستيۆالدەردىڭ ىشىندەگى ەڭ ۇزدىك وندىققا كىرەدى. 2009 جىلى نەگىزى قالانعان كينوفەستيۆال كارتينالاردى مۇقيات تاڭداۋ ارقىلى تاۋەلسىز فيلمدەردىڭ ەڭ جاقسىسىن عانا كورسەتەدى. فەستيۆالگە قاتىسۋ فيلمگە بەلگىلى ءبىر ساپا بەلگىسىن جانە ۇلكەن اۋديتوريانى كورۋگە مۇمكىندىك بەرەدى.
«بۇل جوبانىڭ ەڭ ۇلكەن ميسسياسى - مەن الەمدە بولىپ جاتقان سوعىستاردى كورگەندەگى ءوز سەزىمدەرىمدى كورسەتكىم كەلەدى. ءبىز ءبىر-بىرىمىزدى قۇرمەتتەۋ، ءبىر-بىرىمىزدى ءسۇيۋ قانشالىقتى ماڭىزدى ەكەنىن كورسەتۋگە تىرىسۋىمىز كەرەك. مەن ءۇشىن جامان ۇلت جوق. ءبىز ءبارىمىز ءبىر قۇدايدىڭ بالالارىمىز»، – دەدى ديماش قۇدايبەرگەن SOC Film Festival-دا وتكەن باسپا ءسوز ءماسليحاتىندا.