شارادا اعىلشىن تىلىنە العاش رەت اۋدارىلعان «احمەت بايتۇرسىن ۇلى جانە الاش» كىتابىنىڭ تۇساۋى كەسىلدى.
كىتاپتى ۇلتتىق اۋدارما بيۋروسى باسىپ شىعارعان، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
قازاقستاننىڭ بىرىككەن كورولدىكتەگى ەلشىلىگى ۇيىمداستىرعان شاراعا بريتانيالىق شىعارماشىلىق ينتەلليگەنسيا وكىلدەرى قاتىستى. اعىلشىن اقىن-جازۋشىلارىنا، اۋدارماشىلارىنا احمەت بايتۇرسىن ۇلىنىڭ ءومىرى جانە شىعارماشىلىعىمەن تەرەڭىرەك تانىسۋعا جاعداي جاسالدى.
جيناققا قازاق ادەبيەتى جانە مادەنيەتى كورنەكتى قايراتكەرلەرىنىڭ احمەت بايتۇرسىن ۇلى تۋرالى جازعان ەڭبەكتەرى ەنگەن. ىشىنەن مۇحتار اۋەزوۆ، ءمىرجاقىپ دۋلاتوۆ، ساكەن سەيفۋلليننەن بولەك، مامبەت قويگەلدى، دارحان ءقىدىرالى، ديحان قامزابەك ۇلى سياقتى قازىرگى الاشتانۋشى عالىمداردىڭ زەرتتەۋلەرىن دە تابۋعا بولادى.