ءقازىر ەرسايىن ءبىر جاس ەكى ايدا.
ەرسايىن ءومىرىنىڭ ەكىنشى كۇنى الماتىداعى بالالار شۇعىل مەديسينالىق كومەك كورسەتۋ ورتالىعىنداعى حيرۋرگتاردىڭ قولىنا تۇسكەن. جاسالعان وتادان كەيىن بالا كلينيكادا ءبىر جاسقا دەيىن باقىلاۋدا بولعان، دەپ حابارلايدى Almaty-akshamy.kz Inbusuness.kz سىلتەمە جاساپ.
بالا اسقازان-ىشەك جولدارىنىڭ تۋا بىتكەن اقاۋى، تراحەووڭەشتىك جىلانكوز دەگەن دياگنوزبەن تۋعان. مۇنداي پاتولوگيامەن نارەستە تاماق ىشە الماعان. سوندىقتان نارەستە تۋعاننان كەيىنگى ەكىنشى كۇنى پەرزەنتحانادان بالالار حيرۋرگياسىنا اۋىستىرىلعان.
«سول كۇنى بالانى وتاعا دايىندادىق، وعان ءبىزدىڭ ورتالىققا تيەسىلى جاڭا تەحنولوگيا بويىنشا وتا – توراكوسكوپيالىق ادىسپەن وڭەشتىڭ تىكەلەي اناستوموزى جاسالدى. 10 كۇننىڭ ىشىندە بالا ءبىزدىڭ ستاسيوناردا ەمدەلىپ، ۇيگە شىعارىلدى. ءبىزدىڭ كلينيكادا 1 جاسقا دەيىن باقىلاۋدا بولدى. ءقازىر بالا ءبىر جاس ەكى ايدا. بۇگىن ونىڭ اجەسى، اتاسى مەن اتا-اناسى ۇلتتىق ءداستۇر – تۇساۋ كەسۋدى ماعان تاپسىردى. ولار بالاسىنىڭ بولاشاقتا دارىگەر بولعانىن، باسقالاردىڭ ءومىرىن ساقتاعانىن قالايدى. بۇل ءداستۇردى تەك تاڭداۋلى ادامعا عانا سەنىپ تاپسىرادى. بالانىڭ بولاشاق تاعدىرى مەن ومىرىنە قاتىستى بولۋعا قۋانىشتىمىز. جىل سايىن وسىنداي 5-6 بالاعا ءراسىم جاسايمىز»، - دەيدى بالالار حيرۋرگى، قابىلداۋ ءبولىمىنىڭ مەڭگەرۋشىسى مەيىرجان قۇرمانالييەۆ.
حيرۋرگتەر اتاپ وتكەندەي، مۇنداي وتا الماتى بالالار جەدەل مەديسينالىق جاردەم كورسەتۋ ورتالىعىندا 2013 جىلدان بەرى جاسالىپ كەلەدى. توعىز جىل ىشىندە 60-قا جۋىق جاڭا تۋعان نارەستەگە وتا جاسالدى. وتكەن جىلدىڭ وزىندە نەوناتالدى حيرۋرگتار 10 ءسابيدى امان الىپ قالدى. دارىگەرلەردىڭ تاجىريبەسى مەن بىلىكتىلىگى وڭ ناتيجەگە قول جەتكىزۋگە مۇمكىندىك بەرەدى. بۇگىندە اۋرۋحانا الماتى قالاسىنىڭ تۇرعىندارىنا، سونداي-اق ەلىمىزدىڭ وزگە وڭىرلەرىنەن كەلگەن بالالارعا كومەك كورسەتۋگە دايىن.