لاتۆيادا قازاننىڭ 21-ىنەن قاراشانىڭ 15-ىنە دەيىن لوكداۋن ەنگىزىلەدى، دەپ حابارلايدى almaty-akshamy.kz «حابار 24»-كە سىلتەمە جاساپ.
بيلىكتىڭ بۇل شەشىمىنە ايماقتاعى ەپيداحۋال سەبەپ. جاڭا ەرەجەگە ساي، كەشكى ساعات 20:00-دەن تاڭعى 5-كە دەيىن كومەندانتتىق ساعات جاريالانىپ، وقۋشىلاردىڭ دەمالىسى ءبىر اپتاعا ۇزارتىلادى. سونىمەن قاتار ءوندىرىس ورىندارىندا ىستەيتىن قىزمەتكەرلەرگە عانا جۇمىسقا كەلۋگە رۇقسات بەرىلدى. بارلىق سپورتتىق، مادەني ءىس شارالار كەيىنگە قالدىرىلدى.
لاتۆيا پرەمەر-مينيسترىنىڭ ايتۋىنشا، ەلدە ءالى كۇنگە دەيىن ەكپە قابىلداماعان ازاماتتاردىڭ قاراسى قالىڭ. سالدارىنان جاڭا تىركەلگەن ناۋقاستاردىڭ سانى كۇن وتكەن سايىن ارتۋدا. ايتا كەتەيىك، لاتۆيادا سوڭعى تاۋلىكتە 1253 ادام ۆيرۋس جۇقتىرعان.