ەلىمىزدىڭ ءاربىر بەسىنشى مەكتەبىندە سانيتارلىق تالاپتار ساقتالماعان. وسى ورايدا ۇكىمەت باسشىسىنىڭ ورىنباسارى ەرالى توعجانوۆ جەرگىلىكتى اتقارۋشى ورگاندارعا جاعدايدى رەتتەۋدى تاپسىردى، دەپ حابارلايدى almaty-akshamy.kz
سونداي-اق ۆيسە-پرەمەر-مينيستر نۇر-سۇلتان قالاسى، ماڭعىستاۋ مەن قوستاناي وبلىستارىندا حالىقتى ۆاكسينالاۋ دەڭگەيى تومەن ەكەنىن جەتكىزدى. اتالعان ايماقتارداعى كورسەتكىش قىركۇيەكتىڭ بىرىنەن باستاپ 10-13 پروسەنتتەن اسپايدى.
ەرالى توعجانوۆتىڭ ايتۋىنشا، ۆەدومستۆوارالىق كوميسسيا وتىرىستارىندا ەكپە سالۋ قارقىنىن ارتتىرۋ ماسەلەسى بىرنەشە رەت قوزعالعانىمەن، كەيبىر اكىمدىك ءالى دە نەمقۇرايلىق تانىتىپ وتىرعانى بايقالادى.
تۇيتكىلدى شەشۋ ءۇشىن جاۋاپتى ورگاندار تۇبەگەيلى شارالار قابىلداۋى ءتيىس. ايتپەسە، جەتەكشى اكىم ورىنباسارلارىنا قاتىستى تارتىپتىك جازالار قولدانىلۋى ابدەن مۇمكىن.