بالعىنبەك يماشيەۆ دەپۋتات رينات زايىتوۆقا رەنىشىن ولەڭمەن جەتكىزدى
اقىن بالعىنبەك يماشيەۆ وسىنداي اتاۋمەن ءماجىلىس دەپۋتاتى رينات زايىتوۆىڭ كۇنى كەشە جازعان جازباسىنا قارسى ويىن ولەڭمەن ءبىلدىردى، دەپ حابارلايدى Almaty-akshamy.kz.
ەستەرىڭىزگە سالا كەتەيىك، كەشە ءماجىلىس دەپۋتاتى رينات زايىتوۆقا پسيحولوگيالىق جانە اقپاراتتىق قىسىم كورسەىلىپ جاتقانى تۋرالى حابارلاعان بولاتىنبىز.
دۇمشە دەپۋتاتقا!
ەرمانوۆتىڭ كەشەگى “مىقتى” اقىنى،
ەي، زايىتوۆ رينات ريفحات ۇلى!
قاھارىنان قۇدايدىڭ قورىقپايتىن،
جاڭا قازاقستاننىڭ ۆيپ “باتىرى”…
باسقا شىعىپ باراسىڭ ۇندەمەسەك،
لاقتىراسىڭ تاسادان دىنگە كەسەك.
كىشىرەيىپ كەشىرىم سۇراي سالساڭ،
جانعان وتتى ءورشىتىپ ۇرلەمەس ەك.
سۇرا دەسە كەشىرىم بۇلداناسىڭ،
جاسالدى دەپ شابۋىل جىنداناسىڭ.
مانسابىڭ دا ۋاقىتشا، اتاعىڭ دا،
قۇداي ءۇشىن قاۋقارسىز قۇل عاناسىڭ!
ساجدە قىلعان ماڭدايدى الاياق دەپ،
جالعان ايىپ تاعاسىڭ وڭاي-اق كەپ.
اۋىزىڭدا بەس حاديس، ون ايات جوق،
جۇرەگىڭدى ايتاسىڭ قالاي اق دەپ؟
الاتاۋدا ءجۇر ەدىڭ جالاڭاياق،
دەپۋتات قىلدى سەنى “اعاڭ” اياپ.
سەن بارعان سوڭ “امانات” تۇزەلدى مە،
“نۇروتاننىڭ” دەۋشى ەڭ عوي ءبارى الاياق؟
نەگىزىندە ءبىلىمسىز، ويشا ءنانسىڭ،
كەلگەن ءسوزدى اۋزىڭا دەي سالارسىڭ.
ادامنىڭ دا زاڭىنان حابارىڭ جوق،
اللانىڭ دا دىنىنەن بەيحابارسىڭ.
قوسانوۆپەن قاتىردىڭ دىم دەمەدىك،
قوشانوۆقا شاقىردىڭ ۇندەمەدىك.
مىڭ ءسۇرىنىپ جاتساڭ دا اقىندىقپەن،
اقتالۋدى بىلەسىڭ بىردەڭە عىپ.
اتا دىنمەن الىسقان ماجىلىسمەن،
ايىپتادىڭ باۋىردى اۋىر ىسپەن.
ەلدىڭ جاۋى مۇسىلمان قاۋىم ەمەس،
جاۋ ىزدەسەڭ شاتاسپا ادىرىستەن!
ەلدىڭ جاۋى - جەمقورلار توبەدەگى،
ەلدىڭ جاۋى - تىشقاندار كەمەدەگى.
ۇرىعا ەمەس قۇرىعىن دىنگە سالعان،
دەپۋتاتتىڭ سەنبىسىڭ كورەگەنى؟
پارلامەنتتە سەن بولساڭ ەڭ اقىلدى،
نەگە ءقازىر جارمايسىڭ قارا قىلدى؟
نەگە ايتپايسىڭ پاراقور اكىمدەردى،
نەگە ايتپايسىڭ زيناقور، پەدافيلدى؟
ءدىن - امانات، ەلدى ودان كىم تيا الات؟
ءدىل - امانات، كىم ونى سىلكي الات؟
پارتيانى ۇياتقا قالدىردىڭ دا،
اماناتقا جاسادىڭ شىن قيانات!
سويلەي بەرمە ويىڭشا جورىپ قانا،
بەرە المايسىڭ سەن دىنگە تولىق باعا.
شىن مۇسىلمان قيانات جاسامايدى،
بىزدەن ەمەس قۇدايدان قورىق، بالا!
قۇلاقكەستى قۇدايدىڭ ق ۇلى، رينات،
جالا جاۋىپ جاسادىڭ ءىرى عيبات.
مۇمىندەرگە مىڭ بالە جاپقانىڭنان،
ار-راحماننىڭ قالمايدى ءدىنى قيراپ.
سۇرامايمىز ءبىز سەنەن قيماسىڭدى،
جاماعاتتى جاۋ ساناپ، جيما اشۋدى.
قاتەلىكتى مويىنداپ مومىن بولساڭ،
تاۋبەگە كەپ، اللاعا ي باسىڭدى!