جامبىل اتىنداعى قازاق مەملەكەتتىك فيلارمونياسى كەزەكتى ماۋسىمىن اشتى
فيلارمونيادا بەس تانىمال ۇجىم، سونداي-اق، بۇكىل الەمگە تانىمال تالانتتى سوليستەر بار. ت. ابدىراشيەۆ اتىنداعى ق ر مەملەكەتتىك اكادەميالىق سيمفونيالىق وركەسترى كونسەرتتىك ماۋسىمدى اتاقتى كومپوزيتورلار ر.ۆاگنەردىڭ - «تريستان جانە يزولدا» وپەراسىنان «يزولدانىڭ كىرىسپەسى مەن ءولىمى» جانە گ.مالەردىڭ № 1 «تيتان» سيمفونياسىمەن اشتى، دەپ حابارلايدى Almaty-akshamy.kz.
وركەستردىڭ كوركەمدىك جەتەكشى جانە باس ديريجەر – قانات وماروۆ.
ماۋسىم اشارعا جينالعان كلاسسيكالىق مۋزىكانىڭ شىنايى جانكۇيەرلەرى – كونسەرتتى كەرەمەت قابىلداپ جانە كوتەرىڭكى كوڭىل-كۇيمەن قول شاپالاقتارىن ايامادى.
ت. ابدىراشيەۆ اتىنداعى مەملەكەتتىك اكادەميالىق سيمفونيالىق وركەسترى - 1958 جىلى فيلارمونياعا ەنگىزىلدى. ونىڭ ۇيىمداستىرۋشىسى، جەتەكشىسى جانە ءبىرىنشى ديريجەرى قازاق كسر حالىق ءارتىسى، رەسەي حالىق ءارتىسى، تاتار اسسر حالىق ءارتىسى فۋات شاكىر ۇلى مانسۇروۆ بولدى. ايتۋ كەرەك، ونىڭ ەسىمى وسى ۇجىمنىڭ تاريحىنا التىن ارىپتەرمەن جازىلعان. 20 جىلدان استام ۋاقىت بويى وركەستردى بەلگىلى ديريجەر تولەپبەرگەن ابدىراشيەۆ باسقاردى.
ت. ابدىراشيەۆتىڭ شەبەرلىگى الەمنىڭ كوپتەگەن ەلدەرىندە تانىلعان. ماەسترونىڭ جەتەكشىلىگىمەن وركەستر الەمدىك كلاسسيكا مەن زاماناۋي اۆتورلاردىڭ شىعارمالارىن ورىندادى. كوپتەگەن جىلدار بويى تيمۋر مىڭبايەۆ ق ر مەملەكەتتىك سيمفونيالىق وركەسترىنىڭ ديريجەرى بولىپ جۇمىس ىستەدى. ول ديريجەرلىك، كومپوزيتورلىق جانە مۋزىكاتانۋشىلىق قىزمەتتى ءساتتى ۇيلەستىردى. مىڭبايەۆ شىعارماشىلىعىنىڭ ماڭىزدى باستاۋى قازاق ۇلتتىق فولكلورى بولدى. ال قازىرگى ۋاقىتتا وركەستردى دارىندى جاس ديريجەر قانات وماروۆ باسقارىپ كەلەدى.