الماتىلىق دارىگەر كۇزدە قانداي اۋرۋدىڭ ءورشيتىنىن ايتتى
كۇز - ادام دەنساۋلىعىنىڭ ناشارلاي تۇسەتىن مەزگىلى. الماتى №16 قالالىق ەمحانانىڭ دارىگەرى باقىتجان سەمبەكوۆا كۇزدە كەيبىر اۋرۋمەن اۋىراتىن ناۋقاستاردىڭ سانى ارتاتىنىن اتاپ ءوتتى، دەپ حابارلايدى almaty-akshamy.kz
ماماننىڭ ايتۋىنشا، كۇزدە ۆيرۋستىق ينفەكسيالار كەزەڭى باستالادى جانە جرۆي مەن تۇماۋ كوكتەمگە دەيىن جالعاسادى.
"جرۆي جانە تۇماۋ - وسى كەزەڭدەگى ەڭ كوپ تاراعان اۋرۋ. كۇزدە اللەرگيا كۇشەيەدى، ويتكەنى اۋا قۇرعاق جانە سالقىن بولادى، سونىمەن قاتار جاپىراق تۇسەتىن كەزەڭ باستالادى، بۇل اللەرگيالىق رەاكسيانىڭ جوعارىلاۋىنا اكەلۋى مۇمكىن. اللەرگيانىڭ بەلگىلەرى بارىنە بەلگىلى، مۇرىننىڭ بىتەلۋى، جوتەل، تۇشكىرۋ، كوز بەن مۇرىننىڭ قىشۋى"، - دەيدى باقىتجان سەمبەكوۆا.
اۋا-رايىنىڭ وزگەرۋى، ماۋسىمدىق اللەرگەندەر جانە ۆيرۋستىق ينفەكسيالار استماعا اكەلۋى مۇمكىن. سونىمەن قاتار، كۇزدە اۋا-رايى مەن اتموسفەرالىق قىسىمنىڭ وزگەرۋى ارتريتپەن اۋىراتىن ناۋقاس سانىنىڭ ارتۋىنا اكەلەدى. كۇزدە كوپتەگەن ادام دەپرەسسيادان زارداپ شەگەدى. بۇل كۇن ساۋلەسىنىڭ تومەندەۋىنە جانە كۇن رەجيمىنىڭ وزگەرۋىنە بايلانىستى.
كۇزدە بۇل اۋرۋلاردىڭ ورشۋىنە جول بەرمەۋ ءۇشىن ءوز دەنساۋلىعىڭىزدى باقىلاۋ، دۇرىس تاماقتانۋ، يممۋنيتەتتى نىعايتۋ جانە بەلسەندى ءومىر سالتىن ۇستانۋ قاجەت.
"ەگەر سىزدە قانداي دا ءبىر بەلگىلەر پايدا بولسا، كەڭەس الۋ جانە ەمدەۋ ءۇشىن دارىگەرگە كورىنىڭىز"، - دەپ تۇيىندەدى ول.