15-16 قىركۇيەك كۇندەرى الماتى قالاسىندا قازاقستان مۇسىلماندارى ءدىني باسقارماسى «حالال دامۋ» ستاندارتتاۋ جانە سەرتيفيكاتتاۋ مەكەمەسىنىڭ ۇيىمداستىرۋىمەن «HALAL EXPO-2023» كورمەسى وتەدى. بۇل كورمە – حالالدى ناسيحاتتاۋ، تۇتىنۋشى مەن ءوندىرۋشى اراسىن جالعاۋ، كاسىپكەرلەردىڭ ءوزارا بايلانىسىن نىعايتۋ، شەت ەلدىك ماماندارمەن تاجىريبە الماسۋ، حالال ونىمدەردى تانىتۋ ماقساتىندا III ءشى رەت وتكىزىلگەلى وتىرعان حالىقارالىق ايتۋلى شارا.
«HALAL EXPO-2023» كورمەسىندە قمدب ءتوراعاسى، باس ءمۇفتي ناۋرىزباي̆ قاجى تاعان ۇلى «ۇزدىك حالال كاسىپورىنداردى» ماراپاتتايدى. سونىمەن قاتار، شەت ەلدىك جانە وتاندىق حالال ستاندارتتاۋ جانە سەرتيفيكاتتاۋ سالاسى ماماندارىنىڭ قاتىسۋىمەن دارىستەر ءوتىپ، حالال جونىندە كەڭىنەن ماعلۇمات بەرىلەدى.
ءىس-شاراعا ق ر مادەنيەت جانە اقپارات مينيسترلىگى، اۋىلشارۋاشىلىق مينيسترلىگى، سونداي-اق الماتى قالاسى اكىمدىگى مەن «اتامەكەن» ق ر ۇكپ ارنايى وكىلدەرى، مۇسىلمان مەملەكەتتەرىنىڭ قازاقستانداعى ەلشىلەرى، شەت ەلدىك «حالال ستاندارتتاۋ جانە سەرتيفيكاتتاۋ» ورتالىقتارى باسشىلارى قاتىسادى دەپ كۇتىلۋدە.
الماتى قالاسىنىڭ قوناقتارى مەن تۇرعىندارى ەت، قۇس ونىمدەرى، ءسۇت جانە بالىق ونىمدەرى، جارتىلاي فابريكاتتار، كونديتەرلىك جانە بال ونىمدەرى، حالال كوسمەتيكالار، ماي ونىمدەرى مەن شۇجىقتار، باد ونىمدەرى، تاعام قوسپالارى، گيگيەنالىق زاتتار، جۋعىش زاتتار، فاست-فۋدت تاعامدار، بالمۇزداق، سۋسىن سەكىلدى نەبىر ونىمدەردى ساۋدا ورىندارىنان بىرنەشە ەسە تومەن باعادا الا الادى. كورمەگە وتاندىق جانە وزبەكستان مەن قىرعىزستان، ۋكراينا، مالايزيا مەن يندونەزيا مەملەكەتتەرىنىڭ حالال سەرتيفيكاتىن يەلەنگەن كاسىپورىندارى، ونىمدەرى قاتىساتىنىن ەسكە سالامىز.
اۋەزدى ان-كۇي، تۇشىمدى سۇحبات، ءدامدى تاعام تۇرلەرى، ەرەكشە اتموسفەرا سىزدەردى كۇتەدى. حالال يندۋسترياسىنىڭ دامۋىنا ات سالىسىپ، وتاندىق ونىمدەردى قولدايىق، قولدانايىق! بۇقارالىق اقپارات قۇرالدارى وكىلدەرىن حالىقارالىق كورمەگە اقپاراتتىق قولداۋ كورسەتۋگە شاقىرامىز!
وتەتىن ورنى: «اتاكەنت» حالىقارالىق كورمە ورتالىعى. باقشاساراي سالتانات ءۇيى. الماتى ق.، تيميريازيەۆ كوشەسى،42.
ۋاقىتى: 15-16 قىركۇيەك، 2023 جىل. ساع.: 10.00-17.00 ارالىعى؛
باي̆لانىس ءۇشىن: + 7 702 273 7518 (دانيار سافييەۆ)
+ 7 771 437 0517
+ 7 7172 999 384