قازاقستان ۇلتتىق قۇراماسى EuroSkills چەمپيوناتىنا قاتىسۋ تاريحىندا ۇزدىك ناتيجە كورسەتىپ، ەكى مەدال جانە ءتورت «ۇزدىك مەدالون» جەڭىپ الدى.
پولشانىڭ گدانسك قالاسىندا وتكەن جارىسقا الەمنىڭ 32 ەلىنەن 25 جاسقا دەيىنگى 600 مىقتى جاس مامان قاتىستى، دەپ حابارلايدى Almaty-akshamy.kz Forbes.kz-كە سىلتەمە جاساپ.
EuroSkills Gdańsk 2023 سەگىزىنشى ەۋروپالىق چەمپيوناتىنىڭ ءۇش كونكۋرستىق كۇنىنىڭ قورىتىندىسى بويىنشا قازاقستان ۇلتتىق قۇراماسىنىڭ مۇشەلەرى ءبىر كۇمىس جانە ءبىر قولا مەدال جەڭىپ الدى.
رۋسلان يۋسۋپوۆ «ۆەب-تەحنولوگيالار» قۇزىرەتتىلىگىندە «كۇمىس» يەلەندى، ال اندرەي ستەپانيۋك پەن ستانيسلاۆ گوريسين «جەلىلىك جانە جۇيەلىك اكىمشىلەندىرۋ» بويىنشا قۇراما قورجىنىن قولا مەدالمەن تولىقتىردى.
سونىمەن قاتار، الۋا جاراسبايەۆا (گرافيكالىق ديزاين)، ەراسىل باقىتجان (CAD ينجەنەرلىك ديزاينى)، ۆيتاليي كايل (پليتكامەن قاپتاۋ)، ەرنياز قۇرمانبەكوۆ جانە اڭسار ورازعالييەۆ (مەحاترونيكا) «ۇزدىك مەدالون» الدى.
قازاقستان ءۇشىن بۇل ەۋروپا چەمپيوناتىنداعى ءۇشىنشى مەدال. 2021 جىلى پاۆلودار كوللەدجىنىڭ تۇلەگى دينا افاناسيەۆا «ۆەب-ازىرلەۋ» باعىتى بويىنشا جۇلدەلى ءۇشىنشى ورىنعا يە بولعان ەدى.
بيىل جارىس پولشانىڭ گدانسك قالاسىندا 5-9 قىركۇيەك ارالىعىندا ءوتتى. ۇلتتىق قۇرامانىڭ قۇرامىنا 28 قاتىسۋشى جانە 25 حالىقارالىق ساراپشى كىردى. قازاقستاندىقتار 25 قۇزىرەت بويىنشا قاتىستى.
EuroSkills چەمپيوناتى - بۇل ەۋروپاداعى كاسىپتىك ءبىلىم بەرۋ جانە بىلىكتىلىكتى ارتتىرۋ سالاسىنداعى ماڭىزدى ءىس-شارا. 25 جاسقا دەيىنگى ادامدارعا ارنالعان ەڭ ءىرى حالىقارالىق كاسىبي شەبەرلىك جارىستارى WorldSkills Europe قاتىسۋشى ەلدەرىنىڭ بىرىندە ەكى جىل سايىن وتكىزىلەدى.