كۇز كەلىپ، كومىر قىمباتتادى

كومىردىڭ ورتاشا باعاسى تونناسىنا 6700-دەن 9 مىڭ تەڭگەگە دەيىن كوتەرىلگەن

بۇل تۋرالى يندۋستريا جانە ينفراقۇرىلىمدىق دامۋ مينيسترلىگى ارنايى بريفينگتە مالىمدەدى، دەپ حابارلايدى Almaty-akshamy.kz. كتك تەلەارناسىنا سىلتەمە جاساپ.

كومىردىڭ ورتاشا باعاسى تونناسىنا 6700-دەن 9 مىڭ تەڭگەگە دەيىن كوتەرىلگەن. مينيسترلىك بۇل باعانى كومىر ءوندىرۋشى كاسىپورىندارمەن جۇرگىزگەن كەلىسسوزدەر ارقىلى بەكىتتىك دەپ وتىر. ەڭ كوپ سۇرانىسقا يە شۇباركولدىڭ تونناسى 7500 تەڭگە دەپ بەلگىلەنگەن. ول دىتتىگەن جەرىنە جەتكەنشە، اسىرەسە شالعاي وڭىرلەردەگى تۇتىنۋشىلاردىڭ پەشىنە تۇسكەنشە ەكى-ۇش ەسەگە، 25-30 مىڭ تەڭگەدەن ءبىر-اق شىعاتىنى بەلگىلى. ءبىراق مينيسترلىك وتىننىڭ شەكتى قۇنىن بەلگىلەۋگە ءبىز قاۋقارلى ەمەسپىز دەپ اقتالدى. ال باعاعا كەلەتىن بولساق، وزگە مەملەكەتتەرمەن سالىستىرعاندا بىزدەگى كومىردىڭ باعاسى سۋ تەگىن دەگەن مينيسترلىك وكىلى، ءتىپتى بۇدان تومەن باعا بولۋى مۇمكىن ەمەس دەيدى.

«بىزدە الەۋمەتتىك كومىردىڭ باعاسى الدەقايدا تومەن. سالىستىرمالى تۇردە. ەگەر دە حالىقپەن تۇرمىستىق، كوممۋنالدىق كومىردىڭ باعاسىن الاتىن بولساق جانە قاراپايىم ءبىر كىرپىش شىعاراتىن زاۋىتقا ساتىلاتىن باعانىنىڭ اراسى 30-40 پايىز بولۋى مۇمكىن. ياعني حالىقتىڭ سول كومىردى الۋعا 30 پايىزعا ارزانىراق بولادى. مۇنىڭ ءوزى ارزان. مەن سالىستىرىپ ءوتتىم، كورشى مەملەكەتتەرمەن، ەكى-ۇش ەسەگە دەيىن ارزان بولىپ تۇر. ەندى بۇدان تومەن بىلمەيمىن، قانشالىقتى، قالاي بولاتىنىن»، دەدى ق ر ييدم يندۋستريالىق دامۋ كوميتەتى ءتوراعاسىنىڭ ورىنباسارى تۇرار جولماعامبەتوۆ.