قىركۇيەك ايىنىڭ سوڭىنا دەيىن المالى اۋدانىندا 4 پودستانسيا قايتا جاڭارتىلىپ، 8،5 شاقىرىم ەلەكتر جەلىلەرى جاڭعىرتىلادى.
بۇل تۋرالى الماتى اكىمى ەربولات دوسايەۆ حالىقپەن كەزدەسۋ بارىسىندا مالىمدەدى، دەپ حابارلايدى Almaty-akshamy.kz.
قالا باسشىسى ەلەكترمەن جابدىقتاۋ ماسەلەسى المالى اۋدانىنىڭ تۇرعىندارى ءۇشىن باستى ماسەلەلەردىڭ ءبىرى ەكەنىن اتاپ ءوتتى. بيىل جىل باسىنان بەرى كوممۋنالدىق قىزمەتتەر 215 اپاتتى تىركەدى. بۇل رەتتە ەلەكتر جەلىلەرىنىڭ 81%-ى- توزعان. بۇل ماسەلەنى شەشۋ ءۇشىن بيىل جىل باسىنان بەرى «الاتاۋ جارىق كومپانياسى» اق كومپانياسى 17 قوسالقى ستانسيانى مودەرنيزاسيالاۋ جانە 41،5 شاقىرىم توزعان ەلەكتر كابەل جەلىلەرىن اۋىستىرۋ جۇمىستارىن جۇرگىزدى. سونىمەن قاتار، «جىبەك جولى» جاياۋ جۇرگىنشىلەر كوشەلەرىنە كابەل توسەۋ جۇمىستارى جۇرگىزىلىپ جاتىر. بۇل 17 قىركۇيەككە دەيىن اياقتالادى. جۇرگىزىلىپ جاتقان جۇمىستار المالى اۋدانىنداعى ەلەكتر جەلىلەرىنىڭ جۇمىسىن تۇراقتاندىرىپ قانا قويماي، رەزەرۆتىك قۋاتتىلىقتى 6-دان 10 كۆت-قا دەيىن ارتتىرادى.