Kursiv AUTO 2024 فورۋمى قازاقستانداعى اۆتوكولىك نارىعىنا قاتىسۋشىلاردىڭ العاشقى تاۋەلسىز جيىنى رەتىندە وتەدى. بۇل بىرەگەي شاراعا سالانىڭ جەتەكشى كومپانيالارى، بانكتەر، سەرۆيستىك كومپانيالار، ساراپشىلار مەن زەرتتەۋشىلەر قاتىسادى، دەپ حابارلايدى اlmaty-akshamy.kz.
اۆتوكولىك نارىعى قازاقستاننىڭ ءجىو-نىڭ كەم دەگەندە 2%-ىن، ونەركاسىپتىك ءوندىرىستىڭ شامامەن 4%-ىن جانە بولشەك ساۋداداعى ساتىلىمنىڭ شامامەن 5%-ىن قۇرايدى. وتكەن جىلى بۇل سالا سوڭعى جىلدارداعى كورسەتكىشپەن سالىستىرعاندا العاش رەت رەكوردتىق ءوسۋ قارقىنىن كورسەتتى.
قازاقستاندىق اۆتوموبيل وداعىنىڭ (قاو) دەرەكتەرىنە سايكەس، 2023 جىلدىڭ قورىتىندىسى بويىنشا 198،7 مىڭ جاڭا اۆتوموبيل ساتىلعان. بۇل 2022 جىلمەن سالىستىرعاندا 60،2%-عا كوپ. 2024 جىلدىڭ ءبىرىنشى توقسانىندا دا ءوسۋ قارقىنى بايقالدى. جاڭا اۆتوموبيلدەردىڭ رەسمي ساتىلىمى (جەڭىل كوممەرسيالىق تەحنيكانى قوسا العاندا) 39،5 مىڭ بىرلىككە جەتىپ، وتكەن جىلدىڭ سايكەس كەزەڭىنە قاراعاندا 6%-عا ءوستى، ال 2023 جىلدىڭ سايكەس كەزەڭىندە 66،5%-عا ارتقان ەدى.
2023 جىلى قازاقستاندىق اۆتو قۇراستىرۋشىلار 134 مىڭ جەڭىل اۆتوكولىك شىعاردى. 2025 جىلعا قاراي يندۋستريا مينيسترلىگى جەرگىلىكتى ءوندىرىستىڭ 160 مىڭ اۆتوموبيلگە دەيىن جەتەدى دەپ كۇتىپ وتىر. بۇل كوبىنەسە قىتايلىق برەندتەردىڭ جاڭا اۆتوموبيل وندىرىستەرىن ىسكە قوسۋ ەسەبىنەن بولماق.
وسى وزگەرىستەردىڭ بارلىعى قازاقستاننىڭ اۆتوموبيل نارىعىنا قالاي اسەر ەتەدى، بولجام مەن ءۇمىت قانشالىقتى اقتالادى؟نارىق قۇلدىراي ما، الدە كوتەرىلەمە مە – بۇل سۇراقتاردىڭ بارلىعى Kursiv AUTO 2024 فورۋمىندا تالقىلاناتىن بولادى.
سونىمەن قاتار، فورۋمدا اۆتونەسيەلەۋ جانە ءتۇرلى بانكتەر مەن ميكروقارجى ۇيىمدارىنداعى جاعدايلاردى سالىستىرۋ ماسەلەلەرى دە قاراستىرىلاتىن بولادى.
فورۋمنىڭ نەگىزگى ماقساتى – قازاقستاننىڭ اۆتوموبيل نارىعىنا كوپ فاكتورلى جانە بارىنشا تاۋەلسىز كوزقاراس ۇسىنۋ.