ۇكىمەت «اۋىلدا دەنساۋلىق ساقتاۋدى جاڭعىرتۋ» جوباسى اياسىندا قازاقستان اۋىلدارىنداعى مەديسينالىق مەكەمەلەردى سالۋ جانە جوندەۋ ءۇشىن رەزەرۆتەن 39،9 ملرد تەڭگە ءبولدى، دەپ حابارلايدى اlmaty-akshamy.kz پرەمەر-مينيستردىڭ باسپا ءسوز قىزمەتىنە سىلتەمە جاساپ.
ۇلتتىق جوبا 655 العاشقى مەديسينالىق-سانيتارلىق كومەك نىساندارىن سالۋدى جانە ورتالىق اۋداندىق اۋرۋحانالاردى جاڭعىرتۋدى كوزدەيدى. قۇجاتتاما دايىن بولعان اۋىلدىق ەلدى مەكەندەردە 297 العاشقى مەديسينالىق كومەك نىسانىن سالۋعا 40 ملرد تەڭگە جۇمسالادى. ولارعا مەديسينالىق پۋنكتتەر، فەلدشەرلىك-اكۋشەرلىك پۋنكتتەر جانە دارىگەرلىك امبۋلاتوريالار جاتادى.
سونىمەن قاتار بولىنگەن قاراجاتتىڭ ءبىر بولىگى مىنا اۋرۋحانالاردى جوندەۋگە جۇمسالادى:
ارقالىق وڭىرلىك اۋرۋحاناسى پەرزەنتحاناسىنىڭ عيماراتىنداعى كۇردەلى جوندەۋ جۇمىستارىن اياقتاۋعا؛
ستەپنوگورسك كوپسالالى قالالىق اۋرۋحاناسىنىڭ ەكى بلوگىن كۇردەلى جوندەۋگە؛
اتباسار كوپسالالى اۋدانارالىق اۋرۋحاناسىنىڭ باس عيماراتىن كۇردەلى جوندەۋگە؛
بالقاش قالاسىنىڭ ورتالىق اۋرۋحاناسىن كۇردەلى جوندەۋ جۇمىستارىن باستاۋعا؛
بالقاش قالاسىنىڭ كوپسالالى اۋرۋحاناسىنىڭ انگيوگرافيالىق وتا جاسايتىن باس كورپۋسىنا قوسىمشا عيمارات سالۋعا جانە انگيوگرافيالىق قوندىرعىنى ورنالاستىرۋعا؛
شيەلى كوپسالالى ورتالىق اۋداندىق اۋرۋحاناسىنىڭ عيماراتىنا قوسىمشا بلوكتى جاپسارلاس سالا وتىرىپ، كۇردەلى جوندەۋگە جانە سول جەردە 30 توسەك-ورىنعا ارنالعان جۇقپالى اۋرۋلار بولىمشەسىنىڭ قۇرىلىسىنا اۋدارىلادى.