ەلىمىزدە تاكسي جۇرگىزۋشىلەرى مەن كۋرەرلەر مەملەكەتكە سالىق تولەۋگە مىندەتتەلەدى. ولار ەندى رەسمي تۇردە جۇمىسپەن قامتىلعاندار قاتارىنا جاتقىزىلماق. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتىندا ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى نازگۋل ساعىندىقوۆا ءمالىم ەتتى، دەپ حابارلايدى اlmaty-akshamy.kz قازاقپارات-قا سىلتەمە جساپ.
«الەۋمەتتىك كودەكستىڭ جاڭاشىلدىقتارىنىڭ ءبىرى - ەڭبەك نارىعىن ليبەراليزاسيالاۋ. بۇل يكەمدى جۇمىسپەن قامتىلۋدىڭ بارلىق تۇرلەرىن، سونىڭ ىشىندە پلاتفورمالىق جۇمىستى تانۋدى بىلدىرەدى. بۇل وزگەرىستەر نەگىزىنەن ءوزىن-وزى جۇمىسپەن قامتىعان ازاماتتاردى الەۋمەتتىك سىن قاتەرلەردەن ساقتاندىرۋ، ال تاۋەكەل بولعان جاعدايدا الەۋمەتتىك قولداۋدى قاراستىرادى. وسى ماقساتتا بۇل ساناتتاعى ازاماتتاردى «تاۋەلسىز جۇمىسكەر» دەگەن اتاۋ ەنگىزىلدى - بۇلار تابىس اكەلەتىن ەڭبەك قىزمەتىمەن اينالىساتىن، ءبىراق ءتيىستى ۋاكىلەتتى ورگانداردا رەسمي مەملەكەتتىك تىركەلمەگەن تۇلعالار. مۇنداي قىزمەتكەرلەردىڭ قىزمەتى ونلاين-پلاتفورمالار وفەرتاسىنا قوسقان نەمەسە جاريا شارت جاسالعان جاعدايدا رەسمي جۇمىسپەن قامتۋ دەپ تانىلادى. مىسالى، ونلاين ياندەكس پلاتفورماسىنا قوسىلعان تاكسيستەر، Glovo پلاتفورماسىنداعى كۋرەرلەر وسىنداي كاتەگوريالارداعى جۇمىسكەرلەرگە جاتاتىن بولادى»،- دەدى سپيكەر.
ايتۋىنشا، ونلاين پلاتفورمالاردا جۇمىس ىستەيتىن ازاماتتار – تاكسي جۇرگىزۋشىلەرى، جەتكىزۋشىلەر، كۋرەرلەر. ولار بۇگىندە الەۋمەتتىك جاعىنان قورعالماعان.
«ياعني، الەۋمەتتىك تاۋەكەلدەر تۋىنداعان جاعدايدا ولار ءۇشىن الەۋمەتتىك اۋدارىمدار مەن زەينەتاقى جارنالارى تولەنبەگەندىكتەن، ولار الەۋمەتتىك قورعاۋدان شىعىپ قالدى. الەۋمەتتىك كودەكس اياسىندا ءبىز بۇل ماسەلەگە ۇلكەن كوڭىل بولدىك، ەندى بۇل تۇلعالاردى الەۋمەتتىك قورعاۋ جۇيەسىنە تارتۋ جوسپارلانۋدا. بۇگىن دە ياندەكس، Uber جانە Wolt كومپانيالارىمەن كەلىسسوزدەر جۇرگىزىلدى، ولار سول تاكسي جۇرگىزۋشىلەرى مەن كۋرەرلەر ءۇشىن مىندەتتى الەۋمەتتىك اۋدارىمداردى تولەيتىن بولدى. ياعني، ونلاين پلاتفورمالار وزدەرى تولەيدى»، - دەپ ءتۇسىندىردى ۆيسە-مينيستر.