الماتىداعى پسيحيكالىق دەنساۋلىق ورتالىعىندا ءتۇرلى پسيحيكالىق جانە ناركولوگيالىق كەسەلگە شالدىققان 11 مىڭ تۇرعىن تىركەۋدە تۇر. بۇل تۋرالى ورتالىقتىڭ باس ديرەكتورى ساپار راحمەنشەيەۆ ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
سپيكەردىڭ ايتۋىنشا، ورتالىقتا ەمدەلۋشىلەردىڭ ۋايىمنان دەگبىرى قاشىپ، ۇيقىسىنان ايىرىلعان ناۋقاستار تاماق جەۋدەن باس تارتادى. ادام تەز جۇدەيدى. ناتيجەسىندە ناۋقاستىڭ اعزاسى السىرەپ، ارى قاراي انورەكسيا، كاحەكسيا سەكىلدى سوزىلمالى اۋرۋلارعا شالدىعادى.
- كۇيزەلىستىڭ ءتۇرى كوپ. سونىڭ ءبىرى كۇيزەلىستەن جابىرقاپ، ومىردەن تۇڭىلگەندە، اراق ءىشىپ، ەسىرتكىگە اۋەس بولىپ، ەستى ۋلايتىن زاتتارعا ءۇيىر بولادى. ولار ءوزىنىڭ جانىن جەگىدەي مازالاعان سىرقاتتان وسىلاي قۇتىلامىن دەپ ۇمىتتەنەدى. سونىمەن بىرگە ۇنەمى كۇلىپ جۇرگەن ادامداردا دا كۇيزەلىس بولادى. ولار ءوزىنىڭ جان دۇنيەسىن الاي-تۇلەي ەتكەن مازاسىن كۇيدى جاسىرۋ ءۇشىن جىميىپ جۇرەدى، - دەيدى دارىگەر.
ول سىرقاتتان ەمدەلۋدىڭ جالعىز جولى كاسىبي مامانداردىڭ كومەگىنە جۇگىنۋ قاجەت ەكەنىن ايتتى.
- كۇيزەلىسى اسقىنعان كەزدە، ناۋقاس ادام ۇزاق ۋاقىت بويى ۇيقىسىنان ايىرىلادى. ميدىڭ تىنىمسىز قىزمەت ەتۋى سالدارىنان ناۋقاس ءتۇرلى داۋىستاردى ەستيدى. كەيبىرەۋلەر ءوزىن باسقا الەمدە جۇرگەندەي ەلەستەتەدى. ولار شىنايى ومىردەن جىراقتاپ كەتەدى. ادامنىڭ مىنەز-قۇلقىندا، سويلەگەن ءسوزى دە وزگەرەدى. مۇنداي اۋىتقۋشىلىق بايقالعان كەزدە، ۇيقىسىزدىق مازالاعاندا، ءبىزدىڭ ورتالىققا كەلۋ كەرەك. كاسىبي ماماندار پسيحولوگيالىق كومەك كورسەتەدى، - دەپ ءسوزىن تۇيىندەدى ساپار راحمەنشەيەۆ.
ايتا كەتەيىك، الماتى قالاسىنىڭ پسيحيكالىق دەنساۋلىق ورتالىعىندا سەنىم تەلەفونى تاۋلىك بويى جۇمىس ىستەيدى. 8-722- 376-5660، 8-708-983-28-63، 1303 نومەرلەرىن تەرىپ، كلينيكالىق پسيحولوگتاردان كەڭەس الۋعا بولادى.