ەلىمىزدە تاعى سەگىز كاسىبي مەرەكە پايدا بولماق.
ەڭبەك جانە حالىقتى الەۋمەتتىك قورعاۋ مينيسترىلگى سەگىز كاسىپتىك مەرەكە تىزبەسىن بەكىتۋ تۋرالى مينيستر بۇيرىعىنىڭ جوباسىن ازىرلەدى، دەپ حابارلايدى aqshamnews.kz ق ر ەحاقم باسپا ءسوز قىزمەتىنە سىلتەمە جاساپ.
"كاسىپتىك مەرەكەلەر تىزبەسىن بەكىتۋ تۋرالى» قازاقستان رەسپۋبليكاسى پرەمەر-مينيسترىنىڭ ورىنباسارى - ەڭبەك جانە حالىقتى الەۋمەتتىك قورعاۋ ءمينيسترىنىڭ 2023 جىلعى 29 ماۋسىمداعى № 258 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 32924 بولىپ تىركەلگەن)،ياعني بەكىتىلگەن كاسىبي مەرەكەلەر تىزبەسىنە مىناداي وزگەرىستەر مەن تولىقتىرۋلار ەنگىزىلسىن:
قارجى مونيتورينگى جونىندەگى ورگاندار كۇنى – 28 قاڭتار
تەڭىز جانە وزەن كولىگى قىزمەتكەرلەرىنىڭ كۇنى – شىلدەنىڭ ءبىرىنشى جەكسەنبىسى
تەمىرجول كولىگى قىزمەتكەرلەرى كۇنى – تامىزدىڭ ءبىرىنشى جەكسەنبىسى
باقىلاۋ-ولشەۋ اسپاپتارى جانە اۆتوماتيكا سالاسىنداعى قىزمەتكەرلەر كۇنى – قىركۇيەكتىڭ ەكىنشى جەكسەنبىسى
قازاقستان رەسپۋبليكاسىنىڭ تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ قىزمەتكەرلەرى كۇنى – 2 قازان
اۆتوموبيل كولىگى قىزمەتكەرلەرى كۇنى– قازان ايىنىڭ سوڭعى جەكسەنبىسى
بۋحگالتەرلىك ەسەپ جانە اۋديت سالاسىنداعى قىزمەتكەرلەر كۇنى– 10 قاراشا
قىلمىستىق-اتقارۋ جۇيەسى قىزمەتكەرلەرىنىڭ كۇنى– 13 جەلتوقسان
وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قۇجات 2024 جىلعى 23 جەلتوقسانعا دەيىن قوعامدىق تالقى ءۇشىن "اشىق نقا" پورتالىنا ورنالاستىرىلعان.