№4 ا.س. پۋشكين اتىنداعى گيمنازياسىندا «كۇنشۋاق-سولنىشكو» لاگەرى ءوز جۇمىسىن باستادى
2023-2024 وقۋ جىلى اياقتالدى، ءبىراق مەدەۋ اۋدانىنا قاراستى №4 ا.س. پۋشكين اتىنداعى گيمنازياسى مۇعالىمدەرى مەن وقۋشىلارى ءۇشىن مەكتەپ ءومىرى جالعاسا بەرەدى. مەكتەپ تەك ءبىلىم ورداسى عانا ەمەس، سونىمەن قاتار تاربيەنىڭ سان الۋان مازمۇنىن ۇيىمداستىراتىن مەكەن بولىپ تابىلادى.
گيمنازيادا 10 كۇندىك «كۇنشۋاق-سولنىشكو» مەكتەپ جانىنداعى ساۋىقتىرۋ لاگەرى ءوز جۇمىسىن جوسپارلى تۇردە باستاپ كەتتى. بۇل لاگەردە 120 وقۋشى ءبىلىم مەن تاربيە الىپ جاتىر. مەكتەپ ديرەكتورى س.م. ەنسەپبايەۆا جانە لاگەر جەتەكشىسى ە.ن. ۆنۋكوۆسكايا باسشىلىعىمەن جۇمىس كەستەسى 09:00-دەن 15:00-گە دەيىن جالعاسادى.
لاگەر باعدارلاماسى مەن تاربيەشىلەر
باستاۋىش سىنىپ مۇعالىمدەرى جانابەردييەۆا ن.ك.، تورتبايەۆا ي.ۆ.، ششەربۋلوۆا ن.يۋ.، مۋرزابەكوۆا ك.ا. تاربيەشىلىك جۇمىستارعا بەكىتىلگەن. لاگەر باعدارلاماسى تاڭەرتەڭگىلىك جاتتىعۋلاردان، تاڭعى استاردان، ۇيىرمەلەردەن جانە دەمالىس ورىندارىنا ساياحاتتاردان تۇرادى. مەملەكەت تاراپىنان قارجىلاندىرىلعان تۇسكى اس ءمازىرى دارۋمەندەرگە باي جانە بالالاردىڭ دەنساۋلىعىنا اسا ءمان بەرەدى.
سپورتتىق شارالار مەن دەنە شىنىقتىرۋ
دەنە شىنىقتىرۋ ءپانى مۇعالىمدەرى بۋتاكوۆ ۆ.پ.، كارتبايەۆا ك.ۆ.، كاريموۆ ا.م.، ميناكوۆا يا.ف. سپورتتىق شارالارمەن اينالىسادى. تاربيەشىلەر مەن ۇستازدار بالالاردىڭ جاس ەرەكشەلىكتەرىنە قاراي جەكە، جۇپتىق جانە توپتىق جۇمىس جوسپارلارىن جاساعان.
ۇلتتىق تاربيە جانە تىلدىك كۋرستار
گيمنازيا ورىس ءتىلدى بولعانىمەن، قازاق ءتىلىنىڭ مارتەبەسىنە زور ءمان بەرىلەدى. لاگەردە قازاق تىلىندە امانداسۋ، باتا-تىلەك ايتۋ، دومبىرادا ويناپ، «قاماجاي» ءبيىن بيلەۋ، «مەن جاستارعا سەنەمىن» دەپ ولەڭ ايتۋ ۇلتتىق تاربيەنىڭ كورىنىسى بولىپ تابىلادى. قازاق ءتىلى كۋرستارىندا جاس ماماندار مارينا ەسكەرمەس جانە سامال كالىبەك قىزى جۇمىس جاسايدى.
اعىلشىن تىلىنەن تاگييەۆا م.ۆ.، يۆانچەنكو ك.ە.، تيمونەنكوۆا م.ۆ.، ءامىرحان پ.ز.، كاسەنوۆا ب.ب.، ماكتىمكۋلوۆا ر.و.، بايمەندەتوۆا گ.ا. قىزىقتى مەتوديكالارمەن، جاساندى ينتەللەكت نەگىزىندە ساباق وتكىزەدى. كۇندەلىكتى جۇمىس كەستەسى قازاقستان رەسپۋبليكاسىنىڭ مەملەكەتتىك انۇرانىمەن باستالادى.
لاگەردىڭ ماقساتى مەن مىندەتتەرى
لاگەردىڭ نەگىزگى ماقساتى – ءاربىر وقۋشىنى جاقسىلىققا، ادامگەرشىلىككە، ۇيىمشىلدىققا تاربيەلەۋ جانە جازعى دەمالىس ۋاقىتىن ءتيىمدى پايدالانا بىلۋگە ۇيرەتۋ. بالالاردىڭ جاز مەزگىلىندەگى دەمالىسىن ءتيىمدى ءارى ماعىنالى وتكىزۋگە جاعداي جاساۋ، قاۋىپسىزدىك ەرەجەلەرىن ۇيرەتە وتىرىپ سالاۋاتتى ءومىر سالتىن قالىپتاستىرۋ، رۋحاني جانە مادەني بىلىمدەرىن جەتىلدىرۋ، ءسالت-داستۇرىن دامىتۋ، وتانسۇيگىشتىك-پاتريوتتىق سەزىمىن ارتتىرۋ.
لاگەر مىندەتتەرى:
- بالالاردىڭ ۋاقىتىمەن، تولىق كەلۋلەرىن قاداعالاۋ
- ءار كۇندى باعدارلاما بويىنشا ۇيىمداستىرۋ
- ويىن الاڭىنداعى دەنە جاتتىعۋلارىن باقىلاۋ
- ساياحات جانە جورىق كەزىندەگى قاۋىپسىزدىك ەرەجەلەرىن ساقتاۋ
- ءبىرىڭعاي تارتىپتە سالتاناتتى جيىندار وتكىزۋ
- شىعارماشىلىق قابىلەتتەرىن ارتتىرۋ ماقساتىندا كورمە، كونكۋرس ۇيىمداستىرۋ
- ۇلتتىق ويىندار، لوگيكالىق جانە سپورتتىق ويىن تۇرلەرى ارقىلى بالالاردىڭ قىزىعۋشىلىعىن ارتتىرۋ
اتا-انالارمەن تىعىز بايلانىس
لاگەر تەك وقۋشىلارمەن عانا ەمەس، مەكتەپكە الىپ كەلۋشى ءار اتا-انامەن تىعىز بايلانىس ورناتقان. اتا-انالار تاراپىنان مەكتەپ پەن ۇيىمداستىرۋشىلارعا العىس-تىلەكتەر سانى ارتىپ جاتىر. ءتىپتى مەكتەپتەن قايتپاۋدى ءجون كورەتىن وقۋشىلاردىڭ بار ەكەندىگى دە بەلگىلى.
بۇل-قولايلى ورتانىڭ قالىپتاسقانىنان، قىزىقتى ساباقتار مەن ويىندار بار ەكەنىنەن حابار بەرەدى. وسى سەبەپتى ساپالى ءبىلىم مەن سانالى تاربيە ءۇشىن جاسالىپ جاتقان يگى ىستەر سانى №4 گيمنازيادا ارتا تۇسپەك سوندىقتان دەمالىس ۋاقىتتارىندا مەكتەپ ەسىگى بالالارعا دا، ۇستازدارعا دا اشىق.