سۋ رەسۋرستارى جانە يرريگاسيا مينيسترلىگى بيىل سۋ قۇبىرلارىن سالۋ جانە رەكونسترۋكسيالاۋ بويىنشا 28 جوبانى ىسكە اسىرا باستادى.
بۇل جۇمىستاردىڭ ناتيجەسىندە، 1،1 ملن تۇرعىنى بار 426 ەلدىمەكەندە اۋىز سۋمەن قامتاماسىز ەتۋ ساپاسى جاقسارادى، دەپ حابارلايدى Almaty-akshamy.kz Cۋ رەسۋرستارى جانە يرريگاسيا مينيسترلىگىنە سىلتەمە جاساپ.
جاڭادان سالىناتىن جانە رەكونسترۋكسيادان وتەتىن توپتىق سۋ قۇبىرلارىنىڭ جالپى ۇزىندىعى 2000 شاقىرىمنان اسادى. قۇرىلىس جۇمىستارىن الداعى ەكى جىلدا اياقتاۋ جوسپارلانىپ وتىر.
«قۇرىلىس جۇمىستارى ەلىمىزدىڭ 9 وڭىرىندە ءجۇرىپ جاتىر. اتاپ ايتقاندا، سولتۇستىك قازاقستاندا – 10 توپتىق سۋ قۇبىرى، قىزىلوردا وبلىسىندا – 6، اقمولا وبلىسىندا – 4، الماتى جانە ۇلىتاۋ وبلىستارىندا – 2 جوبادان، اتىراۋ، ماڭعىستاۋ، تۇركىستان، باتىس قازاقستان وبلىستارىنىڭ ءارقايسىندا 1 توپتىق سۋ قۇبىرلارىن سالۋ جانە رەكونسترۋكسيالاۋ جوباسى جۇزەگە اسىرىلۋدا»،- دەدى سۋ رەسۋرستارى جانە يرريگاسيا ۆيسە-مينيسترى ەربولات يبرايحانوۆ.