34ء-شى «بەلاگرو-2024» مامانداندىرىلعان كورمەسىندە قازاقستاننىڭ ۇلتتىق ەكسپوزيسياسى اشىلدى.
حالىقارالىق كورمەگە اۋىل شارۋاشىلىعى ۆيسە-مينيسترى ەربول تاسجۇرەكوۆ ءتوراعالىق ەتەتىن دەلەگاسيا قاتىسۋدا، دەپ حابارلايدى Almaty-akshamy.kz.
جەتى كۇن ىشىندە 70-تەن استام وتاندىق كومپانيا ءوز ونىمدەرىن ۇسىنىپ قانا قويماي، وسىمدىك شارۋاشىلىعى، مال شارۋاشىلىعى جانە قۇس شارۋاشىلىعىن دامىتۋداعى وزىق باعىتتارمەن، ءونىمدى قايتا وڭدەۋ، وراۋ جانە ساقتاۋدىڭ زاماناۋي تەحنولوگيالارىمەن، بەلورۋستىق شارۋالاردىڭ اۋىل شارۋاشىلىعى تەحنيكاسىمەن تانىسا الادى.
قاتىسۋشىلار قاتارىندا اوك قايتا وڭدەۋ جانە تەرەڭ وڭدەۋ ونىمدەرىن، ءسۇت جانە كونديتەرلىك ونىمدەردى، بال، ەت جانە شۇجىق ونىمدەرىن، قۇرعاق تۇيە جانە بيە ءسۇتى، تاتتىلەر مەن دەليكاتەستەر سياقتى ۇلتتىق ونىمدەردى وندىرۋشىلەر، «كوركەم الەم»، «سپك ايبەك»، «شين-لاين» ج ش س، «كۋبلەي»، «بورتە ميلكا»، «ۆانيل»، «ايمار قۇس»، «Qasaq Meat»، «سين-كاز»، «بارىس-2007» جانە ت.ب. بار.
سونداي-اق، وتاندىق اگرارلىق عىلىمي-زەرتتەۋ ينستيتۋتتارىنىڭ عىلىمي جەتىستىكتەرى، ونىڭ ىشىندە ەگىستىك القاپتارىن وڭدەۋ ءۇشىن قولدانىلاتىن دروندار، سەلەكسيالىق جەتىستىكتەرگە پاتەنتتەر، پروبيركاداعى ين ۆيترو وسىمدىكتەرى، 4 سورتتى «كۋلياش»، «اپورت»، «راحات»، «المالىق 85» المالارى، فيتوسانيتاريالىق ا/ش داقىلدارىنىڭ تۇقىمدارىن ساراپتاۋ جانە ت.ب. ۇسىنادى.
وتاندىق وندىرۋشىلەر BNK Group، AVAGRO، «اگروماشحولدينگKZ» اق اۋىل شارۋاشىلىعى تەحنيكاسىن، كومباينداردى، تراكتورلاردى، جاڭبىرلاتۋ جابدىقتارىن، ارالاستىرۋ كەشەنىن، سۇيىق تىڭايتقىشتاردى ەنگىزۋگە ارنالعان تىركەمەلى ماشينانى، Sadko Next بازاسىندا وزدىگىنەن جۇرەتىن بۇرىككىشتى جانە ت.ب. تەحنيكالاردى تانىستىرۋدا.
ايتا كەتەيىك، اعىمداعى جىلى «بەلاگرو» اگروونەركاسىپتىك فورۋمىنا بەلارۋس، رەسەي، قازاقستان جانە باسقا دا ەلدەردەن 490 كومپانيا قاتىسادى.
ولاردىڭ ىشىندە 150-دەن استام قايتا وڭدەۋشى مەن تاماق ونىمدەرىن وندىرۋشىلەر بار.