جاساندى ينتەللەكت جانە سيفرلىق دامۋ ۆيسە-مينيسترى دميتريي مۋن وسىعان قاتىستى پىكىر ءبىلدىردى، - دەپ حابارلايدى aqshamnews.kz
بۇعان دەيىن جەلىدە قازاقستانداعى تانىمال ادامداردىڭ بالالارىنا قاتىستى جەكە دەرەكتەر كورسەتىلگەن سكرينشوتتار پايدا بولعان ەدى.
ۆيسە-مينيستردىڭ ايتۋىنشا، جۇرگىزىلگەن تەكسەرىس جۇيە بۇزىلماعانىن كورسەتكەن.
"كودتى فيزيكالىق نەمەسە لوگيكالىق تۇردە بۇزۋ دەرەگى بولماعان. سەبەبى - ادامي فاكتوردان"، - دەدى دميتريي مۋن.
ونىڭ سوزىنشە، جاريالانعان مالىمەتتەر 2020 جىلعا دەيىن وزەكتى بولعان. ولار بۇرىن جۇيەگە زاڭدى تۇردە كىرە العان پايدالانۋشىلاردىڭ ەسەپتىك جازبالارى ارقىلى الىنعان.
سوعان قاراماستان، Kundelikء-تى ازىرلەۋشى كومپانيا جاۋاپكەرشىلىككە تارتىلعان. دميتريي مۋننىڭ ايتۋىنشا، اقپاراتتىق قاۋىپسىزدىك كوميتەتى جەكە دەرەكتەردى قورعاۋ سالاسىنداعى زاڭبۇزۋشىلىقتار ءۇشىن كومپانياعا ايىپپۇل سالعان.
"دەرەكتەردىڭ تارالۋى مەن كيبەرقاۋىپسىزدىك ماسەلەلەرى بويىنشا ايىپپۇلداردى جىل سايىن ارتتىرىپ كەلەمىز. ءقازىر جاپپاي دەرەك تاراتۋ جاعدايلارى ءۇشىن جاۋاپكەرشىلىكتى بىرنەشە ەسە كۇشەيتۋ ماسەلەسى دە قاراستىرىلىپ جاتىر"، - دەدى ۆيسە-مينيستر.