قالا اكىمىنىڭ جۇمىس كەستەسىندە الاتاۋ اۋدانى العاشقى لوكاسيا بولىپ بەلگىلەندى، ويتكەنى مۇندا ينجەنەرلىك جەلىلەردىڭ، جىلجىمايتىن مۇلىك وبەكتىلەرى اياقتالماعان قۇرىلىسىنىڭ، جول جابىنى بولماۋىنىڭ جانە تاعى باسقا پروبلەمالارعا بايلانىستى كوپتەگەن ماسەلەلەر قوردالانىپ قالعان، دەپ حابارلايدى اlmaty-akshamy.kz
ارالاۋ 14-اۋماق شاعىناۋدانىنداعى ينجەنەرلىك جەلىلەر قۇرىلىسىنىڭ اياقتالماعان وبەكتىسىنەن باستالدى. اۋدان تۇرعىندارى مەردىگەر «كەرەگەتاس» ج ش س كومپانياسىنان (سوت جاۋاپسىز دەپ تانىعان) 2017 جىلدان باستاپ سۋمەن جابدىقتاۋ جانە كارىز بويىنشا جۇمىستاردىڭ اياقتالۋىن كۇتۋدە. بۇگىندە مۇندا جولدىڭ جوقتىعى جانە جوعارىدا اتالعان جۇمىستاردىڭ ناتيجەسىندە جول جابىنىن قالپىنا كەلتىرۋدىڭ مۇمكىن ەمەس ماسەلەسى وتكىر تۇر.
كوشپەلى جيىن بارىسىندا قالا باسشىسى پروبلەمالىق ماسەلەنى شەشۋ جونىندەگى شارالاردى ىسكە اسىرۋدىڭ نەگىزگى كەزەڭدەرىن انىقتادى. ينجەنەرلىك جەلىلەردىڭ قۇرىلىسىن اياقتاۋ جانە جول جابىنىن قالپىنا كەلتىرۋ اعىمداعى جىلعا جوسپارلاندى.
مەگاپوليس باسشىسى "شاڭىراق-1" شاعىناۋدانىنداعى سۋمەن جابدىقتاۋ جانە كارىز جەلىلەرىنىڭ قۇرىلىس بارىسىمەن تانىستى. بۇگىندە مۇندا 2460 جەكە مەنشىك ءۇي ورنالاسقان، 21 800 ادام تۇرادى.
كوشپەلى جيىننىڭ قورىتىندىسى بويىنشا، بيىلعى جىلى وتەمىسوۆ كوشەسىنىڭ جولىنا ورتاشا جوندەۋ جۇرگىزۋ تۋرالى شەشىم قابىلداندى. شاعىناۋداندى سۋمەن جابدىقتاۋ جانە كارىز جەلىلەرىمەن تولىق قامتۋ ءۇشىن قالا اكىمى جوبالىق-سمەتالىق قۇجاتتامانى دايىنداۋدى جانە ينجەنەرلىك جەلىلەر قۇرىلىسىن 2022 جىلى اياقتاۋدى قارجىلاندىرۋدى قامتاماسىز ەتۋدى (ەسكەرتۋ - سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسىن اياقتاۋدى قامتاماسىز ەتۋ ءۇشىن 45،7 كم سۋ قۇبىرى جانە 53،7 كم كارىز جەلىلەرىنىڭ قۇرىلىسى باستالدى) تاپسىردى. ينجەنەرلىك جەلىلەردى تارتقاننان كەيىن، بۇكىل شاعىناۋداندا اسفالت جابىنى قالپىنا كەلتىرىلەدى. جوعارىدا ايتىلعانداردان باسقا، اكىم مەن تۇرعىنداردىڭ باستاماشىل توبى «حالىقتىڭ بيۋدجەتكە قاتىسۋى» باعدارلاماسى اياسىندا قوعامدىق كولىك سانىن ۇلعايتۋ جانە بالالار ويىن الاڭدارىن سالۋ ماسەلەلەرىن تالقىلادى.
الاتاۋ اۋدانىن ارالاۋ كەزىندە كەزەكتى لوكاسيا "راحات-مادەنيەت" شاعىناۋدانى بولدى. مۇندا تۇرعىنداردىڭ كوپتەگەن شاعىمدارىنا جاۋاپ رەتىندە «مادەنيەت» تۇرعىن ءۇي كەشەنىن جاڭا ساين كوشەسى ارقىلى جاياۋ جۇرگىنشىلەر وتكەلىمەن، جاياۋ جۇرگىنشىلەر تروتۋارىمەن قامتاماسىز ەتۋ، سونداي-اق ايالداما كەشەنىن ورناتۋ جانە قوسىمشا كولىك باعىتتارىنىڭ جەلىلەرىن ىسكە قوسۋ نەمەسە جۇمىس ىستەپ تۇرعاندارىن (شاعىناۋداننان قالاعا دەيىن) ۇلعايتۋ جونىندە شەشىم قابىلداندى. تۇرعىنداردىڭ وتىنىشىنە جاۋاپ رەتىندە ساۋدا نىساندارىن وتە قاجەت تاۋارلارمەن قامتاماسىز ەتۋ ماسەلەسىن پىسىقتاۋ اۋدان اكىمى مەن الماتىنىڭ كاسىپكەرلىك جانە ينۆەستيسيالار باسقارماسىنا تاپسىرىلدى.
"زەردەلى" شاعىناۋدانىندا قالا باسشىسىنا موڭكە بي – ساين بويىنداعى جولايرىعىنىڭ قۇرىلىسى جانە رىسقۇلوۆ داڭعىلىنان موڭكە بي كوشەسىنە دەيىن ساين كوشەسىن ۇزارتۋ جوباسى كورسەتىلدى. بۇلار ىسكە اسقاندا، مومىش ۇلى كوشەسىندەگى كولىك اعىنى جەڭىلدەيتىن بولادى. كولىك قوزعالىسىن ىسكە قوسۋ ماقساتىندا ە. دوسايەۆ جۇمىستاردى كەستەگە سايكەس – 2023 جىلدىڭ سوڭىنا دەيىن اياقتاۋدى تاپسىردى.
"زەردەلى" شاعىناۋدانى تۇرعىندارىمەن كوپ قاباتتى تۇرعىن ۇيلەردى نىعايتۋ تاقىرىبى كەڭىنەن تالقىلاندى. كەزدەسۋ قورىتىندىسى بويىنشا، قالا اكىمى جاۋاپتى بولىمشەلەرگە قالعان 9 ءۇيدى نىعايتۋدى، ءالى سالىنىپ بىتپەگەن كوپ قاباتتى 2 ءۇيدىڭ قۇرىلىسىن اياقتاۋدى، سونداي-اق اۋلالاردى اباتتاندىرۋدى جانە جاسىل جەلەكتەر وتىرعىزۋدى ۇلعايتۋدى تاپسىردى. سونداي-اق، شاعىناۋداندى ارالاۋ بارىسىندا قالا باسشىسى تاۋلىگىنە 700 كەلۋشىگە ارنالعان سالىنىپ جاتقان دەنە شىنىقتىرۋ-ساۋىقتىرۋ كەشەنىنە باردى. نىساندى وسى جىلى پايدالانۋعا بەرۋ جوسپارلانۋدا.
قالا باسشىسىنىڭ نازارىنان الماتى قالاسىنىڭ يندۋستريالدى ايماعى دا تىس قالمادى. بۇگىندە مۇندا قۇرىلىس، فارماسيەۆتيكا، حيميا، تاماق جانە جەڭىل ونەركاسىپ سالالارىندا جالپى ينۆەستيسيا سوماسى 113،7 ملرد تەڭگەگە 19 ءىرى وتاندىق جانە شەتەلدىك جوبا ىسكە اسىرىلدى.
جۇمىس ساپارى بارىسىندا اكىم «Ala Estate» ج ش س ونەركاسىپتىك پاركىنىڭ جۇمىسىمەن تانىستى. مۇندا تاماق جانە جيھاز ونەركاسىبىنىڭ 3 شاعىن كاسىپورنى ورنالاسقان جانە 90 جۇمىس ورنى قۇرىلعان. ونەركاسىپتىك پاركتىڭ قۇرىلىسىنا 450 ملن تەڭگە ينۆەستيسيالاندى، جالپى الاڭى 4،3 مىڭ شارشى مەتردى قۇرايدى (الماتىدا بارلىعى 15 شاعىن وندىرىستىك پارك بار، ولاردىڭ 8ء-ى جۇمىس ىستەيدى، قالعاندارىنىڭ قۇرىلىسى قارقىندى جۇرۋدە).
مۇندا قالا باسشىسى «TEPLOSTIL» زاۋىتىنىڭ قۇرىلىس بارىسىمەن تانىستى. كومپانيا جىلىتقىشتىڭ ءۇش ءتۇرى بار تەرموپانەلدەردىڭ سەريالىق جانە سەرتيفيكاتتالعان ءوندىرىسى بويىنشا قازاقستانداعى العاشقى كاسىپورىن بولىپ تابىلادى. زاۋىتتىڭ قۋاتتىلىعى جىلىنا 240 000 شارشى مەتر ءونىمدى قۇرايدى. قازىرگى كەزدە ەكى وندىرىستىك سەح سالىندى، قوسالقى نىسان سالۋ جانە قازاندىقتى جايلاستىرۋ بويىنشا قۇرىلىس-مونتاج جۇمىستارىنىڭ كەشەنى جۇزەگە اسىرىلۋدا. ءوندىرىستى تولىق كولەمدە ىسكە قوسۋ 2022 جىلدىڭ مامىر ايىنا جوسپارلانعان. جوباعا 500 ملن تەڭگە ينۆەستيسيالاندى، 30 جاڭا جۇمىس ورنىن قۇرۋ جوسپارلانۋدا.
اۋداندى ارالاپ شىققان قالا اكىمى الاتاۋ اۋدانىنىڭ اكىمشىلىك ورتالىعىن دامىتۋ جوباسىمەن تانىستى. باس جوسپارعا سايكەس، اۋداننىڭ اكىمشىلىك ورتالىعىن دامىتۋ جانە رىسقۇلوۆ داڭعىلىنان موڭكە بي كوشەسىنە دەيىنگى بوس جەر ۋچاسكەلەرىن ءتيىمدى پايدالانۋ ماقساتىندا 10-نان استام جوبانى ىسكە اسىرۋ جوسپارلانۋدا (ونىڭ ىشىندە جەلىلىك پارك، 6 مەكتەپ، 6 ساياباق ايماعى، كوپبەيىندى 2 اۋرۋحانا كەشەنى، جەڭىل اتلەتيكا مانەجى، ساۋدا-ويىن-ساۋىق ورتالىعى). بۇدان باسقا، باتىس بولىگىندە مەكتەپكە دەيىنگى ءبىلىم بەرۋ جانە دەمالىس ورتالىقتارى قوسا سالىناتىن 3 تۇرعىن ءۇي كەشەنىنىڭ قۇرىلىسى جوسپارلانۋدا.
مەگاپوليس باسشىسى الاتاۋ اۋدانىنىڭ اكىمى ا. قالدىبەكوۆتىڭ جۇمىسىن جالپى ماقۇلداپ، «شەتسىز قالا» باعدارلاماسى اياسىندا اۋداندى ودان ءارى دامىتۋ جونىندە ءبىرقاتار ناقتى تاپسىرمالار بەردى.