2022 جىلدىڭ قاڭتار-مامىر ارالىعىندا 197،3 مىڭ توننا كۇنباعىس مايى وندىرىلگەن.
بۇل بىلتىرعىدان 29،6% كوپ. ال تازارتىلماعان كۇنباعىس مايىنىڭ ءوندىرىسى ءبىر جىل بۇرىنعى كورسەتكىشتەن 61،3% ارتىق بولعان، دەپ حابارلايدى Almaty-akshamy.kz ەnergyprom.kz-كە سلتەمە جاساپ.
«تازارتىلماي ساتىلاتىن كۇنباعىس مايىنىڭ 78%ء-ى شىعىس قازاقستان وڭىرىنە تيەسىلى. ال تازارتىلعان كۇنباعىس مايىنىڭ 22،6 مىڭ تونناسى شىمكەنتتە شىعارىلعان».
اۋىل شارۋاشىلىعى مينيسترلىگى 31 تامىزعا دەيىن كۇنباعىس مايىن قازاقستان اۋماعىنان شىعارۋعا شەكتەۋ قويدى. سول ارقىلى سەكتورداعى باعانى تۇراقتاندىرىپ، تاپشىلىقتىڭ الدىن الۋ جوسپارلانعان. ماۋسىم-شىلدە ايلارىندا كۇنباعىس مايىن شىعارۋ كۆوتاسى 68 مىڭ توننا بولىپ بەكىتىلدى.
وتاندىق وندىرۋشىلەر 2022 جىلدىڭ ءاقپان-ساۋىر ايلارىندا كۇنباعىسقا دەگەن سۇرانىستى 83،5%-كە ورىنداعان. ءوندىرىس كولەمى بىلتىرعىدان 16،9%-كە ارتىق. وندىرىلگەن 149،1 مىڭ توننا مايدىڭ 66،3 مىڭ تونناسى سىرتقا ساتىلعان. بۇل بىلتىرعىدان 71،3% كوپ.
ناتيجەسىندە ىشكى نارىقتا 112،2 مىڭ توننا كۇنباعىس مايى ساتىلدى، بۇل 2021 جىلعى ءقاڭتار-ساۋىر ايلارىمەن سالىستىرعاندا 0،6%-كە عانا ارتىق. قانت نارىعىنداعى جاعدايمەن سالىستىرعاندا ازىرگە ەلدە كۇنباعىس مايىنا قاتىستى داۋلى ماسەلە تۋىنداعان جوق. ەلدە كۇنباعىس مايىنىڭ باعاسى قاتارىنان 27 اي بويى ءوسۋ ديناميكاسىنان اۋىتقىماي ارتىپ كەلەدى.
مامىر ايىنىڭ قورىتىندىسى بويىنشا ماي ءبىر ايدا 0،8%-كە جانە ءبىر جىلدا 19،4%-كە قىمباتتادى. سونىمەن قاتار 2021 جىلدىڭ مامىر ايىنىڭ قورىتىندىسى بويىنشا جىلدىق باعانىڭ ءوسۋى ءقازىردىڭ وزىندە وتە پەسسيميستىك 52،2% قۇرادى.
وڭىرلەر اراسىندا ءبىر جىل ىشىندە سەكتورداعى ەڭ ۇلكەن ءوسىم ءبىر ايدا:
جامبىل (3،6%) وبلىسىندا؛
قاراعاندى (2،2%) وبلىسىندا؛
اقتوبە (1،9%) وبلىسىندا؛
الماتى (26،4%) قالاسى؛
پاۆلودار (26،2%) وبلىسى؛
جامبىل (26،1%) وبلىسىندا تىركەلدى.
بيىل مامىر ايىندا قالالاردا كۇنباعىس مايىنىڭ ورتاشا باعاسى ليتر ءۇشىن 808 تەڭگەنى قۇرادى.
كۇنباعىس مايىنا جوعارى باعا اتىراۋ (859 تگ/ل)، الماتى (850 تگ/ل) جانە اكتاۋدا (841 تگ/ل) تىركەلدى. ال ەڭ تومەن باعا – سەمەي (714 تگ/ل)، پەتروپاۆل (728 تگ/ل) جانە وسكەمەندە (737 تگ/ل).