سينوپتيكتەر جاڭبىر ساعات كەشكى 17-18-گە دەيىن اياقتالاتىنىن بولجادى.
الماتىلىق ماماندار 24 ماۋسىم كۇنى جاۋىن-شاشىن تۇسكەن كەزدەگى كوممۋنالدىق قىزمەتتەردىڭ قالاي جۇمىس ىستەگەنىن ايتتى، دەپ حابارلايدى Almaty-akshamy.kz.
2022 جىلعى 24 ماۋسىمدا ساعات 14:30-دان باستاپ الماتى قالاسىندا نوسەر جاۋىن جاۋا باستادى.
«سۋ باسۋدىڭ الدىن الۋ جانە جويۋ ماقساتىندا مەردىگەرلىك ۇيىمداردىڭ كەزەكشىلىگى ۇيىمداستىرىلدى. سۋدى كەدەرگىسىز وتكىزىلۋىن قامتاماسىز ەتۋ بويىنشا جۇمىستاردى جۇرگىزۋ ءۇشىن، جالپى سانى 682 ادام، 245 بىرلىك ارنايى تەحنيكا جانە 24 موتوپومپا جۇمىلدىرىلدى. 1950 قاپ قۇم دايىندالدى»، - دەلىنگەن ارنايى قىزمەت حابارلاماسىندا.
«قازگيدرومەت» رمك بولجامى بويىنشا، جاڭبىر ساعات كەشكى 17-18-گە دەيىن اياقتالادى. ەرتەڭ 25 ماۋسىم كۇنى جاۋىن-شاشىن بولمايدى.