قازاقستاننىڭ جاستارى - ەلدىڭ باستى بايلىعى. ەلىمىزدىڭ ءۇمىتى، جارقىن بولاشاعى – جاستار. سوندىقتان جاستارعا زور ءۇمىت ارتىپ وتىر. سونىمەن قاتار جاستاردىڭ زامانا تالابىنا ساي ءبىلىم دەڭگەيى دە جىلدان-جىلعا جوعارىلاۋدا. قازىرگى كەزدە شەتەلدە ءبىلىم الىپ، سول ءبىلىمدى جاس شاكىرتتەرگە ۇيرەتىپ جاتقان ماماندار جەتەرلىك. جاستار جىلى - جاستاردىڭ ءوزىن دامىتۋىنا ۇلكەن مۇمكىندىك. وعان دالەل - مەكتەپ وقۋشىلارىنا، جوو-ستۋدەنتتەرىنە ءبىلىم الۋعا بەرىلگەن ۇلكەن مۇمكىندىكتەر. بيىل 2022 جىلى مەملەكەت تاراپىنان 73 مىڭ گرانت ءبولىندى.
ستۋدەنتتەردىڭ ستەپەندياسى ەكى ەسە ارتتى. ۇلتتىق ءبىرىڭعاي تەستىلەۋدى ەكى رەت تاپسىرۋعا دا مۇمكىندىك بەردى. مەملەكەتتەن بەرىلگەن وسىنداي جاقسى مۇمكىندىكتەردى قالايشا دۇرىس پايدالانباسقا؟
مەملەكەت تاراپىنان بارلىق جاعداي جاسالىپ وتىر، ونى ەندى ودان ءارى دامىتۋ بىزدەرگە، ياعني جاستارعا، بايلانىستى. قاي زاماندا بولماسىن، قوعامنىڭ قوزعاۋشى كۇشى - جاستار. بۇگىنگى كۇندە جاستار قوعامنىڭ العا تارتار قوزعاۋشى كۇشى رەتىندە وزىق يدەيالارمەن بىلىممەن قارۋلانىپ، ەلىمىزدىڭ دامۋىنا ۇلەس قوسۋدا. «زاماناۋي الەمدە ەلدىڭ قۋاتى ەڭ الدىمەن ازاماتتارىنىڭ بىلىمىمەن ولشەنەدى»، - دەپ پرەزيدەنتىمىز ايتپاقشى، ءبىلىمدى ۇيرەنىپ قانا قويماي، باسقالارعا دا سىڭىرۋگە اتسالىسۋ كەرەك. بيىلعى 2022 جىلدىڭ تۇلەكتەرىنە وتە جاقسى مۇمكىندىكتەر بەرىلدى.
ول مۇمكىندىكتى جاقسى پايدالانىپ جاتقاندار دا از ەمەس. ۇلتتىق تەستىلەۋدەن بيىلعى تۇلەكتەردىڭ 67% شەكتى بالل جيناپ، 211 تۇلەكتىڭ ءبىلىم كورسەتكىشى 130 باللدان استى. بۇل كورسەتكىش 2021 جىلعا قاراعاندا جامان ەمەس. جاستارىمىز مىقتى بولىپ ءوسىپ وركەندەۋدە. وسىنىڭ ءبارى مەملەكەتتەن بەرىلگەن مۇمكىندىكتىڭ ارقاسى، سول ارقىلى جاستارىمىز جاقسى ناتيجە كورسەتۋدە. وسىنداي زور مۇمكىندىكتەر ءۇشىن جاستارىمىز زور العىس ايتادى.