كۇن سانى: اپتانىڭ ايرىقشا كورسەتكىشتەرى

اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى. 

3،9 ميلليون وقۋشى وقۋ جىلىن اياقتايدى 

وقۋ-اعارتۋ مينيسترلىگىنىڭ مالىمەتىنشە، بيىل رەسپۋبليكا بويىنشا 3،9 ميلليون وقۋشى وقۋ جىلىن اياقتايدى. ونىڭ ىشىندە 391 مىڭ بالا – باستاۋىش، 364 مىڭى – نەگىزگى مەكتەپتى، ال 217 مىڭ تۇلەك مەكتەپپەن قوشتاسقالى وتىر. 

وقۋ جىلىنىڭ اياقتالۋىمەن، اتا-انالار ءۇشىن ماڭىزدى كەزەڭ – جازعى دەمالىستى دۇرىس ۇيىمداستىرۋ باستالادى. الماتىدا 200-دەن اسا مەكتەپ جانىنان جازعى لاگەرلەر اشىلىپ، بالالاردىڭ قىزىقتى دا پايدالى دەمالىسىن قامتاماسىز ەتپەك.

مادەنيەت جانە ونەر قىزمەتكەرلەرى ماراپاتتالدى

الماتىدا مادەنيەت جانە ونەر قىزمەتكەرلەرى كۇنى اتالىپ ءوتتى. مادەنيەتتى دامىتۋعا ۇلەس قوسقان 50-دەن اسا الماتىلىق مەملەكەتتىك ناگراداعا يە بولدى.

تراۆماتولوگتار كۇنى: 240 مىڭ ادام ەمدەلدى 

20 مامىر – الەم تراۆماتولوگتارى كاسىبي مەرەكەسىن اتاپ وتەتىن كۇن. بۇگىندە قازاقستاندا 1508 تراۆماتولوگ جۇمىس ىستەسە، سونىڭ 174ء-ى اۋىلدا ەڭبەك ەتىپ ءجۇر.

2024 جىلى 240 مىڭنان اسا ادام جاراقات الىپ، ستاسيونارلاردا ەمدەلگەن. 

ازيا چەمپيوناتىنداعى جەتىستىك

ازيا چەمپيوناتىندا قازاقستان سپورتشىلارى 22 التىن مەدال جەڭىپ الىپ، ەلىمىزدىڭ نامىسىن بيىكتەن كورسەتتى. سالىستىرمالى تۇردە 2024 جىلى استانادا وتكەن ازيا چەمپيوناتىندا جاستارىمىز 11 التىن ەنشىلەگەن ەدى.