اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
اقش پرەزيدەنتى دونالد ترامپ 7 شىلدەدە قازاقستان پرەزيدەنتى قاسىم-جومارت توقايەۆقا ۆاشينگتون 2025 جىلعى 1 تامىزدان باستاپ قازاقستاننان كەلەتىن بارلىق تاۋارعا 25 پايىز باج سالىعىن ەنگىزەتىنىن حاباردار ەتىپ، حات جولدادى.
كەيىن بۇل حاتقا قاسىم-جومارت توقايەۆ جاۋاپ بەردى.
"قازاقستان پرەزيدەنتى ساۋدا ماسەلەلەرى بويىنشا راسيونالدى شەشىم ازىرلەۋ ماقساتىندا ەلىمىزدىڭ كونسترۋكتيۆتى ديالوگتى جالعاستىرۋعا دايىن ەكەنىن جەتكىزدى. قاسىم-جومارت توقايەۆ ساۋدا پروبلەماسىنا قاتىستى ورتاق مامىلەگە قول جەتكىزۋگە بولاتىنىنا سەنىم ءبىلدىردى"، - دەپ جازىلعان حابارلامادا.
اقمولا وبلىسىندا سۋمەن جابدىقتاۋ جەلىلەرىن سالۋعا 21،5 ملرد تەڭگە ءبولىندى.
بۇل قارجى ەلگە قايتارىلعان زاڭسىز يەمدەنىلگەن اكتيۆتەر قاراجاتى ەسەبىنەن ءبولىندى.
بۇگىندە وڭىردە سۋمەن جابدىقتاۋ سالاسىندا 28 جوبا جۇزەگە اسىرىلىپ جاتىر.
كوممۋنالدىق قىزمەتەر تاريفىنە قاتىستى وزگەرىس
اقىلى قىزمەتتەر ءبىرىنشى جارتىجىلدىقتا ينفلياسيا ءوسىمىنىڭ نەگىزگى فاكتورى بولدى (16،1%). وسىعان بايلانىستى ۇكىمەت كوممۋنالدىق قىزمەتتەر ءتاريفىنىڭ ءوسۋ قارقىنىن رەتتەۋ تۋرالى شەشىم قابىلدادى. ولاردىڭ ءوسۋىن ءىشىنارا كەيىنگە قالدىردى.
قازاقستاندىق مال شارۋاشىلىعى تۇراقتى ءوسىپ كەلە جاتىر
بيىلدىڭ قورىتىندىسى بويىنشا قازاقستاندا اۋىل شارۋاشىلىعى جانۋارلارى سانىنىڭ جانە مال شارۋاشىلىعىنىڭ جالپى ءونىمى كولەمىنىڭ تۇراقتى ءوسىپ كەلەدى. بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ مالىمدەدى.
اتاپ ايتقاندا،
- ءىرى قارا مال باسى 23،4%-عا ارتتى،
- ۇساق مال – 7،8%-عا،
- جىلقى – 12،2%-عا،
- تۇيە – 8،5%-عا،
- قۇس – 2،2%-عا ءوستى.
مال شارۋاشىلىعىنىڭ جالپى ءونىم كولەمى 1،2 ملرد تەڭگەدەن اسىپ، 4،2%-عا ءوستى. ەت (+3%)، ءسۇت (+7،5%) جانە جۇمىرتقا (+0،3%) ءوندىرىسىنىڭ وسكەن.
قازاقستاندا 48 جاڭا ءسۇت فەرماسى سالىندى
بەس جىلدا 40 تان استام جاڭا سۋ قويماسىن سالۋ جوسپارلاندى
قازاقستان بويىنشا 1395 تىرەك گيدروتەحنيكالىق قۇرىلىستار (گتق) بار. سۋ تاسقىنىنا دايىندىق ماقساتىندا باسسەيندىك ينسپەكسيالار تجد وكىلدەرىمەن، جەرگىلىكتى اتقارۋشى ورگاندارمەن جانە «قازسۋشار» رمك-مەن بىرلەسىپ گتق-نى كوزبەن شولىپ تەكسەرۋ جۇرگىزەدى. بيىلعى زەرتتەۋ قورىتىندىسى بويىنشا جوندەۋدى قاجەت ەتەتىن 560 گتق انىقتالدى، ونىڭ 540-ى قاناعاتتانارلىقسىز جانە 20-سى اپاتتى جاعدايدا.
سۋ رەسۋرستارىن باسقارۋ جۇيەسىن دامىتۋ تۇجىرىمداماسىنا سايكەس، 2030 جىلدىڭ سوڭىنا دەيىن قازاقستاندا جاڭادان 42 سۋ قويماسىن سالۋ جانە جۇمىس ىستەپ تۇرعان 37 سۋ قويماسىن رەكونسترۋكسيالاۋ جوسپارلانعان.