اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
قازاقستان مەن جۇڭگو 24 قۇجاتقا قول قويدى
پرەزيدەنت قاسىم-جومارت توقايەۆ پەن قحر ءتوراعاسى سي سزينپين جۇرگىزگەن كەلىسسوز ناتيجەسىندە 24 ۇكىمەتارالىق جانە ۆەدومستۆوارالىق قۇجاتقا قول قويىلدى.
ەكى ەل دەلەگاسياسىنىڭ مۇشەلەرى ەنەرگەتيكا، اەروعارىش، سيفرلاندىرۋ، كەدەن، اۋىل شارۋاشىلىعى، ەلەكتروندى ساۋدا، تۋريزم، زياتكەرلىك مەنشىك، مەديسينا، مەديا، عىلىم، ءوڭىرارالىق بايلانىس سالالارىنداعى ىنتىماقتاستىقتى قامتيتىن قۇجاتتارمەن الماستى.
قازاقستان قىتايعا 1500 كيىك تارتۋ ەتەدى
قازاقستان پرەزيدەنتى قاسىم-جومارت توقايەۆ قىتايدا كيىك پوپۋلياسياسىن قالپىنا كەلتىرۋ ماقساتىندا ولاردى قىتايدىڭ باتىس بولىگىنە قونىستاندىرۋ ءۇشىن 1 500 كيىكتى سىيعا بەرۋ تۋرالى شەشىم قابىلداعانىن مالىمدەدى.
قايتارىلعان اكتيۆتەر قاراجاتىنان 400-دەن اسا نىسان سالىنىپ جاتىر
ءقازىر جالپى قۇنى 318 ملرد تەڭگە بولعان 406 جوبانى قارجىلاندىرۋ ماقۇلداندى. ونىڭ ىشىندە 9 ءبىلىم بەرۋ نىسانى، سپورت سالاسىنداعى 3 نىساندى، دەنساۋلىق ساقتاۋ سالاسىنداعى 162 جوبانى، سۋمەن جابدىقتاۋ سالاسىنداعى 159 جوبانى قوسا العاندا، 333 جوبا ىسكە اسىرىلىپ جاتىر.
بىلتىر الەۋمەتتىك سالاعا 8،8 ترلن تەڭگە قاراجات بولىنگەن
ماجىلىستە ۇكىمەتتىڭ 2024 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبى قارالادى. قارجى ءمينيسترى ءمادي تاكييەۆ 2024 جىلى قازاقستاننىڭ ءجىو ءوسىمى 4،8 بولعانىن ايتتى.
"بيۋدجەت تۇسىمدەرى 98%-عا ورىندالىپ، شامامەن 20 ترلن تەڭگە ءتۇستى. شىعىستار 23 ترلن 594 ملرد تەڭگەگە اتقارىلدى. بيۋدجەت تاپشىلىعى بەلگىلەنگەن شامادان 3 ترلن 649 ملرد تەڭگەگە نەمەسە جالپى ىشكى ونىمگە 2،7% (134 251،9 ملرد تەڭگە) بولدى. مەملەكەتتىك قارىز ناقتى ءجىو-نىڭ 23،7% دالىزىندە جانە 31،8 ترلن تەڭگە بولدى"، - دەدى ۆيسە-مينيستر.
دەنساۋلىق ساقتاۋ ۆيسە-مينيسترى تيمۋر ءمۇراتوۆتىڭ ايتۋىنشا، اۋىلدىق دەنساۋلىق ساقتاۋدى جاڭعىرتۋ جونىندەگى ۇلتتىق جوبانىڭ شەڭبەرىندە 479 مساك نىسانىنىڭ قۇرىلىسى اياقتالدى.
بۇل رەتتە بۇرىن مەديسينالىق نىساندار بولماعان اۋىلداردا 178 نىسان سالىندى. 301 نىسان ەسكىرگەن جانە بەيىمدەلگەن نىسانداردىڭ ورنىنا سالىنعان. 2025 جىلدىڭ اياعىنا دەيىن تاعى 176 مساك نىسانىن اياقتاۋ جوسپارلانىپ جاتىر.جاڭا وقۋ جىلىندا قازاقستاندا 200-دەن اسا مەكتەپ سالىنادى
2025–2026 وقۋ جىلىندا 300 مىڭنان اسا وقۋشى ورنىنا ەسەپتەلگەن 200-دەن اسا جاڭا مەكتەپ سالۋ جوسپارلانىپ وتىر. سونىڭ ىشىندە 206 مىڭ وقۋشى ورنىنا ارنالعان 112 مەكتەپ "كەلەشەك مەكتەپتەرى" ۇلتتىق جوباسى اياسىندا پايدالانۋعا بەرىلەدى. جاڭا مەكتەپتەردىڭ جارتىسىنا جۋىعى اۋىلداردا ورنالاسادى.