الماتى اكىمى دارحان ساتىبالدى ONAY! قوعامدىق كولىكتى ديسپەچەرلىك باسقارۋ ورتالىعىندا بارىپ، قالانىڭ مارشرۋتتىق جەلىسىن باقىلاۋ جانە باسقارۋ جونىندەگى جۇمىستارمەن تانىستى.
مەگاپوليس باسشىسى قالالىق كولىك قوزعالىسىنا تاۋلىك بويى باقىلايتىن جانە تاسىمالداۋشىلاردىڭ نەگىزگى كورسەتكىشتەرىن ورىندالۋىن قاداعالايتىن ورتالىقتىڭ قىزمەتى تۋرالى باياندامانى تىڭدادى.
«الماتى قالاسىنىڭ كولىك حولدينگى» ج ش س ONAY! ديسپەچەرلىك باسقارۋ ورتالىعىنىڭ ديرەكتورى داۋرەن ءسابيتوۆ باستى ناتيجەلەر مەن كورسەتكىشتەر تۋرالى باياندادى. الماتىدا جىل سايىنعى جولاۋشىلار سانى 455 ميلليونعا جەتەدى. بۇگىندە ONAY! جۇيەسى 206 مارشرۋتقا قىزمەت كورسەتەتىن اۆتوبۋستار، تروللەيبۋستار مەن مەترونى قوسقاندا 3،5 مىڭنان استام كولىك بىرلىگى بار. جەلى بويىنشا 27 تاسىمالداۋشى، 3500 اۆتوبۋس جانە 6830 ايالداما بار.
كەزدەسۋ بارىسىندا سيفرلىق سەرۆيستەرگە ەرەكشە كوڭىل ءبولىندى. قالادا 4،4 ميلليون كولىك كارتاسى ساتىلعان، ونىڭ 1،3 ميلليونى - الەۋمەتتىك. جولاۋشىلارعا ىڭعايلى بولۋ ءۇشىن ONAY! ءموبيلدى قوسىمشاسى دا بار، وندا پلاستيكالىق كارتاسىز ۆيرتۋالدى كارتانى پايدالانۋعا بولادى.
قالا اكىمى قوزعالىس ارالىعىن ساقتاۋعا جانە كولىكتىڭ ۇزدىكسىز قاتىناۋىنا ەرەكشە نازار اۋداردى.
«قالانى ارالاپ جۇرگەندە ايالدامادا اۆتوبۋستاردىڭ ءتىزىلىپ كەزەكتە تۇرعانىن كوردىم. مۇنى رەتتەۋ كەرەك. ۋاقىت كەستەسى مەن كولىك قوزعالىسىنىڭ ارالىعى ناقتى ساقتالۋعا ءتيىس»، - دەدى دارحان ساتىبالدى.
ونىڭ ايتۋىنشا، حولدينگتىڭ نەگىزگى مىندەتى قوعامدىق كولىكتىڭ تۇراقتى جۇمىسىن قامتاماسىز ەتۋ ەكەنىنە ەرەكشە توقتالدى.
جۇمىس ساپارى قورىتىندىسى بويىنشا قالا اكىمى قوزعالىس كەستەسىنىڭ ساقتالۋىنا باقىلاۋدى كۇشەيتۋ، ايالدامالاردا اۆتوبۋستاردىڭ تۇرىپ قالۋىن بولدىرماۋ جانە بىركەلكى ارالىقتى جولعا قويۋ، كولىكتىڭ كوبەيۋىن ەسكەرە وتىرىپ، ديسپەچەرلىك جۇيەنى جاڭعىرتۋ بويىنشا ءبىرقاتار تاپسىرما بەردى. بۇعان قوسا، دارحان ساتىبالدى تاسىمالداۋشىلاردىڭ جاۋاپكەرشىلىگىن كۇشەيتۋدى جانە ONAY! سيفرلىق كارتانىڭ جولاۋشىلاردىڭ بارلىق ساناتى ءۇشىن قولجەتىمدى بولۋىن قامتاماسىز ەتۋدى جۇكتەدى.