اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
مەملەكەتتىك رامىزدەرگە – 33 جىل
4 ماۋسىمدا قازاقستان رەسپۋبليكاسىنىڭ مەملەكەتتىك رامىزدەرىنە 33 جىل تولدى. 1992 جىلى ءدال وسى كۇنى تاۋەلسىز قازاقستاننىڭ تۋى، ەلتاڭباسى جانە ءانۇرانى رەسمي تۇردە قابىلداندى
"بايقوڭىر" عارىش ايلاعىنىڭ قۇرىلعانىنا 70 جىل تولدى
مەملەكەت باسشىسى قاسىم-جومارت توقايەۆ بۇل كۇنمەن قۇتتىقتادى.
"1957 جىلى ءدال وسى ارادان جاساندى جەر سەرىگى ۇشىرىلىپ، عارىشتى يگەرۋ ءداۋىرى باستالدى. كوپ ۇزاماي، 1961 جىلى ايلاقتان تۇڭعىش عارىشكەر يۋريي گاگارين كوك جۇزىنە اتتاندى. بۇل تاريحي وقيعا جاھان جۇرتشىلىعىن بىرىكتىرىپ، ادامزاتتىڭ عىلىم مەن وركەنيەت پروگرەسىنە دەگەن سەنىمىن نىعايتتى. سودان بەرى بايقوڭىردان مىڭداعان جەر سەرىگى ۇشىرىلىپ، ونداعان ميسسيا ورىندالدى. مۇندا كورنەكتى عالىمدار، كونسترۋكتورلار مەن ينجەنەرلەر جۇمىس ىستەدى. ۇلى جەتىستىكتەردىڭ باستاۋىندا تۇرعان بارلىق مامانعا شەكسىز ريزاشىلىعىمدى بىلدىرەمىن!" - دەدى پرەزيدەنت قۇتتىقتاۋىندا.
بيىل 143،2 مىڭ ادام جۇمىسقا ورنالاستىرىلعان
بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا مەملەكەت باسشىسى قاسىم-جومارت توقايەۆقا بەرگەن ەسەبىندە ايتتى.
- مينيستر مالىمەتىنشە،
بيىلعى 1 مامىرعا دەيىن 157،8 مىڭ ادامدى ەڭبەكپەن قامتۋ شارالارى جۇرگىزىلگەن؛ - 143،2 مىڭ ازامات جۇمىسقا ورنالاستىرىلعان؛
- جىل باسىنان بەرى 232 مىڭنان استام ادامعا اتاۋلى الەۋمەتتىك كومەك كورسەتىلگەن.
"قازاقستان بالالارى" ونكۇندىگىنە 5 ميلليوننان اسا بالا قاتىستى
حالىقارالىق بالالاردى قورعاۋ كۇنى قارساڭىندا ەلىمىزدە العاش رەت كەڭ اۋقىمدى "قازاقستان بالالارى" اتتى ونكۇندىگىنىڭ اياسىندا 45 مىڭنان اسا ءتۇرلى ءىس-شارا ۇيىمداستىرىلىپ، ولارعا 5،6 ميلليوننان استام بالا قاتىستى.
بيىل 216 مىڭنان اسا بالا 1-سىنىپقا قابىلدانعان
1 ساۋىردەن باستاپ 1-سىنىپقا قۇجات قابىلداۋ باستالدى. بۇگىنگى كۇنگە دەي̆ءىن ەلىمىزدىڭ مەكتەپتەرىنە 216 121 بالا قابىلداندى، ولاردىڭ 70%-ى مەملەكەتتىك تىلدە وقۋدى تاڭداعان.
قازاقستاندا 660 مىڭنان اسا ادام ۇلتتىق سپورتپەن اينالىسالى
2024 جىلدىڭ قورىتىندىسى بويىنشا ۇلتتىق سپورت تۇرلەرىمەن تۇراقتى تۇردە اينالىساتىن قازاقستاندىقتاردىڭ سانى 660 مىڭنان استى. بۇل — ەلىمىزدە دەنە شىنىقتىرۋ جانە سپورتپەن اينالىساتىنداردىڭ جالپى سانىنىڭ 9،6 پايىزى (2023 جىلى — 619،2 مىڭ ادام نەمەسە 8،7%). جاتتىقتىرۋشىلار قۇرامى 1781 ماماندى قامتيدى، ونىڭ ىشىندە 1004ء-ى اۋىلدىق جەرلەردە جۇمىس ىستەيدى.
ەڭ تانىمال سپورت تۇرلەرى:
• قازاقشا كۇرەس،
• توعىزقۇمالاق،
• اسىق اتۋ،
• كوكپار،
• بايگە،
• تەڭگە ءىلۋ،
• جامبى اتۋ،
• اۋدارىسپاق،
• قۇسبەگىلىك،
• ءداستۇرلى ساداق اتۋ،
• جەكپە-جەك جانە باسقا دا تۇرلەر.