اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
قازاقستاندا شيكىزات ەمەس ەكسپورت پەن ساۋدا كولەمى 8،6%-عا ءوستى
2025 جىلعى قاڭتار–شىلدە ايلارىندا ساۋدا كولەمى 8،6%-عا، ال سالاعا سالىنعان ينۆەستيسيا كولەمى ءى جارتىجىلدىقتا 37%-عا ءوسىپ، 438 ملرد تەڭگەگە جەتتى.
"ساۋدا سالاسىندا 800 مىڭنان استام بيزنەس سۋبەكتىسى اينالىسىپ، 1،5 ملن-نان استام ادامدى جۇمىسپەن قامتاماسىز ەتىپ وتىر. "ايتىلدى-جاسالدى" قاعيداتى بويىنشا مەملەكەت باسشىسىنىڭ قازاقستان حالقىنا جولداۋىندا ايتقان تاپسىرمالارى قارقىندى تۇردە جۇزەگە اسىرىلۋدا"، - دەپ اتاپ ءوتتى ساۋدا جانە ينتەگراسيا ءمينيسترى ارمان شاققالييەۆ.
دۇكەن سورەلەرىنىڭ 50 پايىزى - قازاقستاندىق تاۋارلار
دۇكەن سورەلەرىندەگى وتاندىق تاۋارلار ۇلەسىن ارتتىرۋ ماقساتىندا وتاندىق وندىرۋشىلەر ونىمدەرى ءۇشىن كەمىندە 50% سورەلىك كەڭىستىكتى كوزدەيتىن باعدارلاما ىسكە قوسىلدى.
سونىمەن قاتار، ساپاسىز ءارى ءقاۋىپتى ونىمدەردىڭ نارىققا ەنۋىنە شەكتەۋ قويۋ باعىتىندا بەلسەندى جۇمىس جۇرگىزىلىپ جاتىر.
"بارلىق باقىلاۋشى ورگانداردىڭ قاتىسۋىمەن احۋالدىق شتاب ءتيىمدى جۇمىس اتقارۋدا. 47 مىڭنان استام كولىك تەكسەرىلدى، تاۋارلىق سالماقتا بۇل 600 مىڭ توننادان استام مال شارۋاشىلىعى ونىمدەرى. ونىڭ ىشىندە 900-دەن استام اۆتوكولىك كەرى قايتارىلدى، 1 مىڭنان استام سايكەستىكتى راستاۋ قۇجاتتارىنىڭ كۇشى جويىلدى"، – دەپ اتاپ ءوتتى ارمان شاققالييەۆ.
ۇكىمەتتە الداعى ءۇش جىلدىق كەزەڭگە ارنالعان رەسپۋبليكالىق بيۋدجەتتىڭ جوباسى قارالادى
"2026-2028 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسى ۇكىمەت وتىرىسىندا ۇسىنىلدى. قارجى ءمينيسترى ءمادي تاكييەۆ ەلىمىزدىڭ باس قارجى قۇجاتىنىڭ نەگىزگى پارامەترلەرى تۋرالى باياندادى.
كىرىس قانداي بولماق؟
ونىڭ ايتۋىنشا، 2026 جىلى كىرىستەر 23،1 ترلن تەڭگە، 2028 جىلعا قاراي 27،6 ترلن تەڭگەگە دەيىن ارتادى، شىعىستار – 27،7 ترلن تەڭگە بولادى. بيۋدجەت تاپشىلىعى 2026 جىلعى جالپى ىشكى ءونىمنىڭ 2،5%-ىنان 2028 جىلعا قاراي جالپى ىشكى ءونىمنىڭ 0،9%-ىنا دەيىن كەزەڭ-كەزەڭىمەن تومەندەتىلەدى. مينيستر بيۋدجەت ۇزاق ۋاقىت ىشىندە العاش رەت ۇلتتىق قوردان نىسانالى ترانسفەرتتەردى پايدالانباي تەڭدەستىرىلگەنىن اتاپ ءوتتى.
شىعىستاردىڭ نەگىزگى ۇلەسى – 38،7% نەمەسە 10،7 ترلن تەڭگە، ءداستۇرلى تۇردە الەۋمەتتىك سالاعا باعىتتالعان.
"تازا قازاقستان" باستاماسى اياسىندا 1،3 ملرد-تان اسا كوشەت ەگىلدى
"مەملەكەتتىك ورمان قورى اۋماعىنا 1 ملرد 369 ملن كوشەت، ونىڭ ىشىندە ارال تەڭىزىنىڭ قۇرعاعان تۇبىنە سەكسەۋىل كوشەتتەرىنىڭ 48،7 ملن داناسى ەگىلدى"، - دەپ مالىمدەدى ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ.
زاڭ جانە ءتارتىپ: قازاقستاندا قىلمىستار سانىنىڭ 13%-عا تومەندەۋى تىركەلدى
"ءبىزدىڭ جۇمىستىڭ نەگىزى – "زاڭ جانە ءتارتىپ" قاعيداتى. الدىن الۋ شارالارىنىڭ ارقاسىندا قىلمىستار سانى 13%-عا تومەندەدى. بۇل وتكەن جىلمەن سالىستىرعاندا 9 مىڭعا از. كىسى ءولتىرۋ، قاراقشىلىق، توناۋ، بۇزاقىلىق، ۇرلىق جانە مال ۇرلىعى ازايدى. بۇرىن سوتتالعاندار جاسايتىن، قوعامدىق ورىنداردا جانە قارۋ-جاراقپەن جاسالاتىن قىلمىستىق قۇقىق بۇزۋشىلىقتار سايابىرسىدى. بۇل رەتتە ولاردىڭ اشىلۋى جاقساردى"، - دەپ اتاپ ءوتتى ىشكى ىستەر ءمينيسترى ەرجان سادەنوۆ.