بۇل جايىندا islam.kz پورتالى CNBC اقپارات كوزىنە سىلتەمە جاساي وتىرىپ حابارلايدى.
كۇن ەنەرگياسىنىڭ شاپشاڭ ءارى قارقىندى وسۋىنە ءىرى تەحنولوگيالىق كومپانيالاردىڭ بۇل سالاعا مولىنان قارجى قۇيۋى سەبەپ بولعان. ولار عالامدىق ينتەرنەت پەن جاساندى زەردە قولدانبالارىن قۋاتتايتىن دەرەكتەر ورتالىقتارىن تازا ەنەرگيامەن قامتاماسىز ەتۋگە تىرىسادى، دەپ حابارلايدى aqshamnews.kz.
الەمگە ايگىلى Amazon، Microsoft، Meta Platforms جانە Google-دىڭ ءوزى امەريكا قۇراما شتاتتارىندا قولعا الىنعان ءىرى كۇن ەنەرگياسى جوبالارىنا سۇرانىستىڭ 40 پايىزىن قۇرادى. سوڭعى بەس جىلدا. جاڭعىرتىلاتىن ەنەرگيا كوزدەرىنىڭ دامۋىنا سوڭعى ۋاقىتتا ولاردى ءوندىرۋ باعاسىنىڭ ارزانداۋى دا ىقپال ەتىپ وتىر. Advancing Clean Technology Manufacturing كومپانياسى بۇعان دەيىن تازا ەنەرگياعا دەگەن جاھاندىق ينۆەستيسيا 2023 جىلى 200 ميلليارد دوللارعا دەيىن ءوسىپ، ءبىر جىل ىشىندە 70 پايىزدان استام وسكەنىن حابارلادى. فوتوەلەكترلىك مودۋلدەردى وندىرۋگە كەتەتىن شىعىندار ەكى ەسەدەن اسقان. وسى ورايدا ءۇندىستاننىڭ Adani Group كومپانياسى 2026 جىلعا قاراي كۇن باتارەيالارىنىڭ ءوندىرىسىن 150 پايىزعا ارتتىرۋدى جوسپارلاپ وتىرعانىن ايتا كەتپەكپىز.
بۇل جوسپار ءوز كەزەگىندە اتالعان ەلدىڭ وسى سالاداعى قىتايعا تاۋەلدىلىگىن ازايتىپ، كومىرتەگىنەن ادا مەملەكەتكە اينالۋعا قول جەتكىزۋگە كومەكتەسۋى كەرەك. Bloomberg اگەنتتىگىنىڭ جازۋىنشا، كونگلومەرات قازىرگى ءتورت گيگاۆاتتتان جىل سايىن ون گيگاۆاتت كۇن ەنەرگياسىن وندىرۋگە مۇمكىندىك بەرەتىن قۇرال-جابدىق شىعارۋدى ماقسات ەتىپ وتىر. كومپانيا الدىنا قويعان ماقساتىنا سايكەس پاريجدەن بەس ەسە ۇلكەن جاڭارتىلاتىن ەنەرگيا پاركتەرىنىڭ ءبىرى سالىنادى. Adani Group الداعى ون جىلدا جاڭارتىلاتىن ەنەرگيا كوزدەرىنە (جەك) 100 ميلليارد دوللار ينۆەستيسيا مولشەرىندە قارجى قۇيادى.