قازاقستان ەرلەر ۇلتتىق قۇراماسىنىڭ پاريجدەگى وليمپيادا ويىندارىنداعى تومەن ناتيجەسىنە بايلانىستى قۇرامانىڭ جاتتىقتىرۋشىلار شتابىنىڭ بىرنەشە مۇشەسى قىزمەتىنەن بوساتىلعانى تۋرالى اقپارات الەۋمەتتىك جەلىلەردە جاريالاندى.
مالىمەتكە سايكەس، قىزمەتىنەن بوساتىلعاندار اراسىندا قازاقستان بوكس فەدەراسياسىنىڭ ۆيسە-پرەزيدەنتى ءازيز قوجامبەتوۆ، باس باپكەر مىرزاعالي ايتجانوۆ، اعا جاتتىقتىرۋشى مارات جاكييەۆ جانە جاتتىقتىرۋشىلار – نۇركەن انداسوۆ، نۇرجان ناسانوۆ، عاني اشكەيەۆ، ەرمەك ەرتايەۆ، تالعاتبەك جاقپەكوۆ، زاكىر سافيۋلين، ازامات ماقاجانوۆ، ءجامىل ءجۇسىپ؛ جاتتىقتىرۋشى-كەڭەسشى – دوناتاس يانۋسيەۆيچۋس بار.
كوپ ۇزاماي قازاقستان بوكس فەدەراسياسى ازىرگە ەشكىمدى جۇمىستان شىعارعان جوقپىز دەپ جاۋاپ بەردى.
«بۇل اقپارات شىندىققا جاناسپايدى. ازىرگە ەشكىمدى جۇمىستان شىعارعان جوقپىز. وزگەرىستەر بولادى. بۇل جونىندە رەسمي حابارلايمىز»، - دەپ جازدى قازاقستان بوكس فەدەراسياسى.