بيىل كۇزدە ازەربايجاندا قازاق كۇرەسىنەن ەۋروپا چەمپيوناتى وتەدى. بۇل تۋرالى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەربول مىرزابوسىنوۆ ءمالىم ەتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«وتكەن جىلى العاش رەت قازاق كۇرەسىنەن الەم چەمپيوناتى ۇيىمداستىرىلدى. وعان 40-قا جۋىق ەلدەن سپورتشىلار قاتىستى. بۇل قازاق كۇرەسىن وليمپيادا ويىندارىنىڭ باعدارلاماسىنا ەنگىزۋ باعىتىنداعى جۇمىستاردىڭ ءبىرى. بيىل قازاق كۇرەسىنەن ازيا چەمپيوناتى وزبەكستاندا ءوتتى. ەندى ەۋروپا چەمپيوناتى ازەربايجاندا (باكۋدە) وتەدى دەپ جوسپارلانعان. بۇگىندە ول بويىنشا ءبىزدىڭ قاۋىمداستىق تاراپىنان اۋقىمدى جۇمىس اتقارىلىپ جاتىر» - دەدى ەربول مىرزابوسىنوۆ ەلوردادا وتكەن Qazaq kuresi قاۋىمداستىعى جيىنىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ونىڭ ايتۋىنشا، ەۋروپا چەمپيوناتىن قىركۇيەك نەمەسە قازان ايىندا وتكىزۋ جوسپارلانىپ وتىر.