«كۇمىس جاستاعىلارعا» جۇمىس بەرۋشىلەردەن ءوتىنىش قابىلدانىپ جاتىر

بۇل باعدارلاما اياسىندا زەينەتكەرلىككە شىعۋعا 2 جىل قالعان ازاماتتار ۋاقىتشا جۇمىسپەن قامتىلادى.

مۇنداي ازاماتتارعا جالاقىنىڭ 50 پايىزىن مەملەكەت، قالعان 50 پايىزىن جۇمىس بەرۋشى تولەيدى، دەپ حابارلايدى Almaty-akshamy.kz ءىnbusiness.kz سايتىنا سىلتەمە جاساپ.

«كۇمىس جاس» باعدارلاماسىنا قاتىسۋعا نيەت تانىتقان جۇمىس بەرۋشىلەردەن ءوتىنىم قابىلداپ جاتىر. 

بۇل تۋرالى نۇر-سۇلتان قالاسى اكىمدىگى حالىقتى جۇمىسپەن قامتۋ ورتالىعىنىڭ ديرەكتورى ازامات بايتاسوۆ ايتتى.

«بيىل «كۇمىس جاس» باعدارلاماسىن ىسكە اسىرامىز. بۇل باعدارلاما اياسىندا زەينەتكەرلىككە شىعۋعا 2 جىل قالعان ازاماتتاردى ۋاقىتشا جۇمىسپەن قامتيمىز. مۇنداي ازاماتتارعا جالاقىنىڭ 50 پايىزىن مەملەكەت، قالعان 50 پايىزىن جۇمىس بەرۋشى تولەيدى. جالاقىنىڭ ەڭ جوعارى شەگىن 30 ايلىق مولشەرىندە بولادى. بۇل 91 مىڭ تەڭگە شاماسىندا. مىسالى، جۇمىس بەرۋشى 180 مىڭ تەڭگە جالاقى بەلگىلەسە، وندا ونىڭ 90 مىڭىن مەملەكەت تولەيتىن بولادى. بۇل باعدارلاماعا قاتىسۋعا نيەت تانىتقان جۇمىس بەرۋشىلەردەن ءوتىنىم قابىلداپ جاتىر»، - دەدى ول قالا اكىمدىگىندە وتكەن بريفينگ بارىسىندا.