2022 جىلدىڭ 1 ناۋرىزىنان باستاپ قوعامدىق تاماقتاندىرۋ جانە ساۋدا سالالارىندا قىزمەت ەتەتىن كاسىپكەرلەر ءۇشىن سالىق تولەۋشىنىڭ پاسپورتى ەنگىزىلەدى. بۇل تۋرالى الماتى قالاسى بويىنشا مەملەكەتتىك كىرىستەر دەپارتامەنتى ءمالىم ەتتى، دەپ حابارلايدى اlmaty-akshamy.kz
بۇل - سالىق قۇپياسى بولىپ تابىلمايتىن، مەملەكەتتىك كىرىستەر ورگانى قالىپتاستىراتىن شتريح-كودتا (QR-كود) قامتىلعان كاسىپكەرلىك سۋبەكتىسىنىڭ اقپاراتتىق كارتاسى.
سالىق تولەۋشىنىڭ پاسپورتىن قوعامدىق تاماقتاندىرۋ جانە ساۋدا سالاسىنداعى قىزمەتتى جۇزەگە اسىراتىن سالىق تولەۋشىلەر باقىلاۋ-كاسسا ماشينالارىنىڭ جانىندا جانە جالپىعا بىردەي قولجەتىمدى ورىنداردا ورنالاستىرادى.
پاسپورت تومەندەگىدەي اقپاراتتاردى قامتۋى كەرەك:
- جسن/بسن؛
- سالىق تولەۋشىنىڭ اتاۋى؛
- جەكە كاسىپكەردىڭ نەمەسە زاڭدى تۇلعا باسشىسىنىڭ ءتاا؛
- سالىق تولەۋشىنىڭ مارتەبەسى؛
- ەسەپكە قويىلعان كۇنى؛
- بكم تىركەۋ ءنومىرى؛
- الكوگول ونىمدەرىنە ليسەنزيانىڭ بولۋى.
بۇل ۇعىم سالىق ورگاندارى قالىپتاستىرعان سالىق تولەۋشىنىڭ سالىق مىندەتتەمەلەرىن ورىنداۋى تۋرالى دەرەكتەرىنە اشىق قول جەتكىزۋدى ۇسىنۋ ماقساتىندا جانە حالىقتى (ساتىپ الۋشىلاردى، قىزمەتتەردى پايدالانۋشىلاردى)، كونتراگەنتتەردى جانە تاعى باسقانى حاباردار ەتۋ ماقساتىندا ەنگىزىلەدى.
سالىق تولەۋشىنىڭ پاسپورتى سالىق ورگانىندا ەسەپتى ايدان كەيىنگى ەكىنشى ايدىڭ 15-كۇنىنەن كەشىكتىرمەيتىن مەرزىمدە ايىنا 1 رەت قالىپتاستىرىلادى.
سالىقتار جانە باسقا دا كوپتەگەن ماسەلەلەر تۋرالى تولىعىراق 1414 ءنومىرى نەمەسە @mkdalmaty_dgdalmaty ارقىلى بىلە الاسىز.