16 قىركۇيەكتە الماتىداعى يۋنەسكو وڭىرلىك كەڭسەسى قازاقستان رەسپۋبليكاسىنىڭ مەملەكەتتىك ورتالىق مۋزەيىمەن بىرلەسىپ «سۋاستى مادەني مۇراسى» فوتوكورمەسىن اشتى، دەپ حابارلايدى aqshamnews.kz.
بۇگىندە تاريحي جانە مادەني ەسكەرتكىشتەردى ساقتاۋ مەن زەرتتەۋدە مۋزەيلەر باستى ءرول اتقارادى. قازاقستان رەسپۋبليكاسىنىڭ ورتالىق مۋزەيى ەلىمىزدىڭ جەتەكشى مەكەمەسى رەتىندە قازاقستاننىڭ عانا ەمەس، دۇنيەجۇزىلىك تاريحي جانە مادەني ەسكەرتكىشتەرىن ساقتاۋعا، زەرتتەۋگە جانە ناسيحاتتاۋعا باعىتتالعان باعدارلامالاردى جۇزەگە اسىرۋدا.
الماتىداعى يۋنەسكو وڭىرلىك كەڭسەسىنىڭ ديرەكتورى امير پيريچ مىرزا: «بۇگىن ءبىز حالىقتىڭ، مۋزەيگە كەلۋشىلەردىڭ، اسىرەسە جاستاردىڭ نازارىن جالپى مادەني مۇرانى قورعاۋ ماسەلەلەرىنە اۋدارعىمىز كەلەدى. مادەني مۇرانى بىرلەسىپ زەردەلەۋ جانە قورعاۋ – بۇل ءبىزدىڭ ادامدار ساناسىندا بەيبىتشىلىك ورناتۋ جولىنداعى قادامىمىز!» – دەدى كورمەنىڭ اشىلۋىندا.
ورتالىق مۋزەي قالا قوناقتارى مەن تۇرعىندارىن سۋاستى مادەني قۇندىلىقتارىن كورسەتەتىن بىرەگەي كورمەنى تاماشالاۋعا شاقىرادى.
الماتىدا «سۋاستى مادەني مۇراسى» فوتوكورمەسى اشىلدى
- اۆتور aqshamnews.kz
- 14:15، 17 قىركۇيەك 2024
ق ر مادەنيەت جانە اقپارات مينيسترلىگى