فۋتبولدان پورتۋگاليا قۇراماسى مەن ساۋد ارابياسىنىڭ «ال-ناسر» كومانداسىنىڭ شابۋىلشىسى كريشتيانۋ رونالدۋ ءوز مانسابىندا 1200 ويىن وتكىزدى.
وسىلايشا ول جاڭا رەكوردىنا قول جەتكىزدى، دەپ حابارلايدى Almaty-akshamy.kz.
ول اتالعان مەجەدەن وتكەن بەسىنشى فۋتبولشى بولىپ وتىر. بۇعان دەيىن ول مەجەنى اعىلشىن پيتەر شيلتون (1375) مەن پول بەستوك (1286)، برازيليالىق روجەريو سەني (1237) مەن فابيو لوپەس (1212) باعىندىرعان ەدى.
بيىل 5 اقپاندا 39 جاسقا تولاتىن فۋتبولشى ءوز مانسابىندا پورتۋگاليانىڭ «سپورتينگ ليسسابون»، انگليانىڭ «مانچەستەر يۋنايتەد»، يسپانيانىڭ «رەال مادريد»، يتاليانىڭ «يۋۆەنتۋس» كلۋبتارىندا ويىن كورسەتتى.
2022 جىلدىڭ 30 جەلتوقسانىنان ساۋد ارابياسىنىڭ «ال-ناسر» كلۋبىمەن 2،5 جىلعا كەلىسىم-شارتقا قول قويدى. 2003 جىلدان ۇلتتىق قۇراما ساپىندا ويىن كورسەتىپ كەلەدى.
ەسكە سالساق، ەندى ارگەنتينا قۇراماسىندا ونىنشى ءنومىرلى جەيدە مەسسيدەن كەيىن ەشكىمگە بەرىلمەيتىن بولدى.