ەندى «بولاشاق» باعدارلاماسىمەن الەمنىڭ تاعى 25 وقۋ ورنىندا ءبىلىم الۋعا بولادى
بۇگىندە قازاقستاندىقتار «بولاشاق» باعدارلاماسى بويىنشا شەت ەلدەردىڭ 236 جوعارى وقۋ ورنىندا ءبىلىم الادى. ال بيىلدان باستاپ ءبىلىم وردالارىنىڭ قاتارى كەڭەيە تۇسپەك، دەپ حابارلايدى Almaty-akshamy.kz.
بۇل تۋرالى اشىق نقا پورتالىندا جاريالانعان عىلىم جانە جوعارى ءبىلىم ءمينيسترىنىڭ بۇيرىعىندا جازىلعان.
قۇجاتتا جازىلعانداي، بيىل QS World University Rankings، Times Higher Education World University Rankings سياقتى حالىقارالىق اكادەميالىق رەيتينگتەر جاڭارتىلدى. وسىعان بالانىستى «بولاشاق» باعدارلاماسىمەن ءبىلىم الۋعا بولاتىن شەتەلدىك وقۋ ورىندارىنىڭ قاتارى كەڭەيەدى، دەپ جازادى قازاقپارات
اتاپ ايتقاندا، قازاقستاندىقتار ەندى «بولاشاقپەن» مىنا ۋنيۆەرسيتەتتەرگە تۇسە الادى:
- سان-پاۋلۋ ۋنيۆەرسيتەتى (Sao Paulo ۋنيۆەرسيتەتى)؛
- لۋۆەن كاتوليكتىك ۋنيۆەرسيتەتى (Université Catholique de Louvain)؛
- بەرليندەگى گۋمبولدت ۋنيۆەرسيتەتى (بەرلين گۋمبولدت ۋنيۆەرسيتەتى)؛
- پومپەۋ فابرا ۋنيۆەرسيتەتى (Universidad Pompeu Fabra)؛
- پادۋا ۋنيۆەرسيتەتى (Università di Padova)؛
- سىچۋان ۋنيۆەرسيتەتى (Sichuan University)؛
- وڭتۇستىك عىلىم جانە تەحنولوگيالار ۋنيۆەرسيتەتى (Southern University of Science and Technology)؛
- لوزاننا فەدەرالدى پوليتەحنيكالىق مەكتەبى (Swiss Federal Institute of Technology Lausanne)؛
- ۋحان ۋنيۆەرسيتەتى (Wuhan University)؛
- University of California، Santa Cruz.
سونداي-اق، «بولاشاق» باعدارلاماسىن تەحنيكالىق ماماندىقتارعا باعدارلاۋ ءۇشىن ينجەنەرلىك-تەحنيكالىق بەيىندەگى كادرلاردى دايارلاۋعا ارنالعان مىناداي فرانسۋز جانە ۆەنگر جوعارى وقۋ ورىندارىندا ءبىلىم الۋعا مۇمكىندىك ۇسىنىلادى:
- جوعارى باسقارۋ، اقپاراتتىق تەحنولوگيالار جانە كوممۋنيكاسيا مەكتەبى (IMT)؛
- جوعارى ينجەنەرلىك مەكتەپ (ESTP)؛
- ليوننىڭ ۇلتتىق قولدانبالى عىلىمدار ينستيتۋتى (INSA)؛
- ۇلتتىق كوپىرلەر مەن جولدار مەكتەبى (ParisTech)؛
- گرەنوبل ءالپى ۋنيۆەرسيتەتى (گرەنوبل پوليتەحنيكالىق ينستيتۋتىن قامتيدى)؛
- لوتارينگيا ۋنيۆەرسيتەتى؛
- ستراسبۋرگ ۋنيۆەرسيتەتى؛
- پۋاتە ۋنيۆەرسيتەتى؛
- بوردو ۋنيۆەرسيتەتى؛
- ەكس-مارسەل ۋنيۆەرسيتەتى؛
- ليون جوعارى ينجەنەرلىك مەكتەبى؛
- نانت جوعارى ينجەنەرلىك مەكتەبى؛
- بوردو ساياسي زەرتتەۋلەر ينستيتۋتى (Science Po Bordeaux)
- سەگەد ۋنيۆەرسيتەتى؛
- دەبرەسەن ۋنيۆەرسيتەتى.
«جوو ءتىزىمىنىڭ قولدانىستاعى رەداكسياسىندا 236 جوو بار. وسى تولىقتىرۋدى ەسكەرە وتىرىپ، ولاردىڭ سانى 28 ەلدەن 261 وقۋ ورنىنا دەيىن ۇلعايادى»، - دەپ تۇسىندىرمە بەرىلگەن بۇيرىق جوباسىنا.
قۇجات 15 ماۋسىمعا دەيىن كوپشىلىك تالقىلاۋدا بولادى.
ەسكە سالا كەتەيىك، 5 ماۋسىمدا «بولاشاق» ستيپەندياسىنا ءوتىنىم قابىلداۋ باستالادى.