«مانساپ كۇنى»، «Jas Stars» كرەاتيۆتى ءىس-شاراسى جانە «Almaty TikTok challenge» - الماتى كرەاتيۆتى يندۋستريا باسقارماسى ۇيىمداستىراتىن شارالار قاتارىندا.
بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى كرەاتيۆتى يندۋستريا باسقارماسىنىڭ باسشىسى قايسار سارىبايەۆ ايتتى، دەپ حابارلايدى Almaty-akshamy.kz
ول الماتىدا «Almaty Creative Industries Forum-2021» ءبىرىنشى كرەاتيۆتى ونلاين-فورۋمى وتەتىنىن، ونىڭ اياسىندا اكسەلەراسيا مەن كرەاتيۆتى ستارتاپتاردىڭ «Creaton» چەمپيوناتىن وتكىزۋ جوسپارلانعانىن ايتتى. كۇردەلى ەپيدەميولوگيالىق جاعدايعا بايلانىستى شارا ونلاين تۇردە وتەدى.
سونىمەن قاتار، كرەاتيۆتى يندۋستريالار باسقارماسى الماتىلىقتاردىڭ قالا كۇنىمەن ەرەكشە قۇتتىقتاۋلارىنا ارنالعان «Almaty TikTok challenge» بايقاۋىن باستادى.
«الماتىنىڭ تانىمال تيكتوكەرلەرى بايقاۋعا قاتىسا باستادى، ولار قالانىڭ ءار جەرىندە بەينەروليكتەر تۇسىرەدى، بۇل قالانىڭ تۋريستىك جانە مادەني الەۋەتىن دامىتۋعا ىقپال ەتەدى»، - دەپ اتاپ ءوتتى قايسار سارىبايەۆ.
تيكتوك كەڭىستىك تۋرالى ايتا وتىرىپ، قايسار سارىبايەۆ وسى الەۋمەتتىك جەلىنىڭ ارقاسىندا الماتىلىق سيفرلىق مەديا جۇلدىزدارىنىڭ بۇكىل الەمگە تانىمال ەكەنىن باسا ايتتى. مىسالى، «حومياك» دەگەن بۇركەنشىك ەسىمدى الينا كيم - بۇكىل تمد اۋماعىندا ەڭ تانىمال تيكتوكەر. ول الەمدەگى ۇزدىك ۇشتىكتە ەكىنشى ورىندا.
«ءبىزدىڭ قالادا ۇلكەن شىعارماشىلىق الەۋەت بار، مۇندا كرەاتيۆتى يدەيالار قۇراتىن تالانتتى ادامدار تۇرادى جانە جۇمىس ىستەيدى. ولارعا تەك قارجىلىق تۇرعىدان عانا ەمەس، جالپى سەرپىن بەرۋ قاجەت. ياعني، كرەاتيۆتى ورتا، كرەاتيۆتى كلاستەرلەر قۇرۋ. ەگەر ءار اۋداندا ءسىزدىڭ شىعارماشىلىعىڭىزدى دامىتاتىن ورىندار بولسا، وندا كرەاتيۆشىلەردىڭ سانى گەومەتريالىق تۇردە ارتادى»، - دەپ سەندىردى قايسار سارىبايەۆ.
ول ءوز باسقارماسىنىڭ باستى مىندەتى تۇرعىندارىمىزدىڭ ءومىر ءسۇرۋ ساپاسىن جاقسارتۋ ەكەنىن اتاپ ءوتتى.
«ەكونوميكالىق اسەردەن باسقا، كرەاتيۆتى يندۋستريالار ماڭىزدى مادەني جانە الەۋمەتتىك قۇندىلىقتاردى شىعارادى. ءدال وسى جەردە جالپى قوعامنىڭ دامۋىنا اسەر ەتەتىن ماعىنالار، ماتەريالدىق قۇندىلىقتار مەن تەندەنسيالار تۋادى»، - دەپ جالعاستىردى سپيكەر.
ايتا كەتەرلىگى، الماتىدا «مانساپ كۇنى» جانە «Jas Stars» سياقتى شىعارماشىلىق ءىس-شارالاردى ونلاين-فورماتتا وتكىزۋ جوسپارلانۋدا.